徵友表格

我對人性嘅睇法


#1 I’m you

無題:

 

喺以前嘅世界好簡單,黑白分明

愛情亦好簡單,稀有並寶貴⋯

 

但戰爭過後,進入所謂嘅「和平時期」,

風平浪靜,無憂無慮嘅人生嘅時候,人性便開始模糊、複雜起黎⋯ 

網絡世界嘅興起,社交平台嘅發展,令我哋好難分辨真假⋯ 喺呢個思想會扭曲、人性會敗壞同充滿謊言嘅世界,我哋仲做唔做到自己呢?「做自己,你就注定失敗」呢該係現加社會上灌輸俾大部分年輕人嘅思想,但係⋯ 我哋人類係咪真係為錢而放棄自我呢?錢我哋一世都唔會賺夠㗎,如果你願意為你嘅人生癲一次,起碼喺你放棄之後,可以理直氣壯咁講:起碼我有做過自己。 「規矩係死嘅,而人係生嘅」呢句係啱嘅,但係規矩本身係限於所有人,包括立法者⋯但係大部分人只睇到前半部分,使規矩成廢文,又或者立咗法,但俾自己犯法嘅都有⋯例子?你睇下我哋嘅大國就知啦!呢啲由文革遺留落黎嘅嘢依然侵食嘅我哋人嘅思想⋯

 

腐敗、無知、灰暗嘅世界,使我哋對人性產生無比嘅絕望感,感情亦都如事,「感情呢啲嘢唔係合就係分㗎喇」「拍拖可以分手,結婚亦都可以離婚㗎」⋯ 咁我想問一個好簡單嘅問題:咁一齊黎做咩呀? 喂,你會去同人一齊嘅本意唔係同佢一齊共渡喜怒哀樂㗎咩?原來係武術切磋黎㗎?如果係因人哋派帽或同佢做啲咗好傷你心嘅事而分手,合理呀!但如果話性格唔啱或純粹無feel黎作為你要分手理由嘅話,咁你唔係係人面前講,因為你講嘅愛同粗口無分別,甚至更低俗⋯ 大佬呀!如果一段感情當中唔互相尊重、互相遷就、互相依賴、互相扶持,會頂唔順㗎⋯ 愛本身係好簡單嘅嘢,唔該你唔好將其他嘢拉埋一齊講,例如錢。你將一段感情加上錢嘅因素上去,咁就會變成一單生意。我願意?改口啦,講「成交」啦。

 

 

我係天真呀。天真本身唔係壞事,最少「我天真而不欺騙自己」。我唔想做一個「成熟但毫無氣色嘅傀儡」。 最後,我想問睇到最後嘅「你」一個好簡單嘅問題:「你現加仲係咪你細個所渴望嘅自己?」

0 62 08/12/2018 16:30
08/12/2018 16:30

回覆帖子