徵友表格

(愛情靈異)我喺一個幫人軀鬼嘅麥麥送外賣仔 (更新至第21集)

22 1157

#1 雨觴

入行(1)

其實好多人一直都不知道這件事,甚至這個部門,說起這件事,我都是由第一日返工先知道,然後就做到宜家。

本來只不過單純想撈份Part-time,點知入到去第一日。由嗰刻開始,我就知道麥記唔係一間快餐店,原來係一間,軀鬼專門店。

新仔,以後你就係呢度返工,記住出到去咩都唔可以講,呢個係本公司嘅高度秘密,而且係一個作為軀魔外賣仔嘅規則。我個上司話

乜呢度唔係快餐店呢咩,定係我入錯地方,正常應該就係整下包,去收銀咁!點解會變咗去軀鬼?我自己心裏面有個好大嘅疑問,同時覺得好驚。

呀師兄呀?唔好玩啦!呢度係麥記啊,玩咩捉鬼啊!我問返佢,成身都顫緊。我望著麥記嘅四周圍,感覺到有一陣風喺我身邊走過。我個人嚇一嚇。

然後,嗰個經理,將佢手上個啲帳單,一揮,成地都係啲麥記嘅單。無事啦!唔駛咁驚喎,呢啲你遲啲都會接觸。

講真,我本人好驚鬼,一見到鬼就會覺得好驚,首先係流汗,再驚啲我會暈低,就算係睇鬼片都唔得,事關我細個嗰陣嘅童年陰影。

就喺我四歲嗰年,食團年飯,返屋企嗰陣。

我喺撘車途中,你係邊個?有個黑影喺窗出面,當時我仲未望落去橋下面,我真係唔能夠想像,下面有人跳樓,我眼定定望住下面,血肉模糊,個人成個人凹咗落地面,但我竟然見到嗰個人喺我面前,望住我,我嗰陣時,見到佢之後,發咗燒成兩個禮拜。

估唔到一個見到鬼會死嘅人,

宜家竟然做咗軀魔師。

諗返起,當時入去嘅第一日,莫名其妙我笑了!我不能想像,宜家嘅我,已經唔再驚鬼魂。每次幫人軀鬼嘅時候,都要幫佢哋完成心願,而每次都好似睇完一本自傳咁,我都習慣咗,次次幫佢哋之後,就會寫低佢哋嘅故事,呢一個習慣,都唔知係咪一個怪癖。

估唔到一做就做咗咁耐。

我記得有一次特別深刻,係我見過嘅女鬼之中最靚嘅。佢好清純,成個文青咁,着住一身鬆身白色長裙,長長嘅秀髮。其他任務通常兩三日就查完,可以收工,但呢次就足足成兩個禮拜,因為我感情用事,鐘意咗佢。

今次比較特別,今次呢單,唔係人叫我哋幫佢,竟然係一隻…鬼。

你好呀!我叫李芷晴,我真係好驚,可唔可以幫我搵返屋企人,我而家無家可歸,隻女鬼話。我心諗,嘩!條女咁索,如果唔係佢死咗,我晨早就溝咗佢。

咁!你記唔記得你生前嘅記憶或者見過邊個?

我咩都唔知,一諗返起,個頭就超痛,但我總係離唔開呢區,九龍區!

咁你生前可能係住喺呢區,你宜家有冇地方住?

冇呀!日日都係街度行嚟行去。

其實我發現自己都係埋藏唔到自己心裏面嘅人性,我好想同佢一齊,好想了解佢多啲,甚至好想同佢扑嘢。

 

22 1157 07/14/2018 21:43
07/14/2018 21:43

  1. #2 雨觴 夏

    請簡要解釋為什麼你覺得應該要舉報這個回覆。

    報告
    取消

    文青女鬼(2)

    我望住佢嘅眼眸,彷彿有啲悲哀,有啲哀愁。

    我見到一個咁嘅女仔,我突然有一種好想幫佢嘅感覺 ,就係佢,我心裏面少少嘅正義感出咗嚟!

    所以我就決心咗,要做一位正義嘅軀魔師。

    於是,我就開始同呢位文青女,查佢嘅身世之迷。

    「啊李小姐,你長期停留嘅地方係邊度?可唔可以帶我去睇睇?」我就問佢。

    「唔使咁見外,叫我芷晴就得,但唔知點解,每次嚟到呢度,個頭都會好痛?」

    「姐係麥記呢頭?觀塘?」

    「其實我並唔知呢度係邊,但係我一開眼,就係呢度,而芷晴呢個名,係因為之前遇到一個見到我嘅人,佢幫我改嘅。佢話因為見到側邊啲芷丁花,而且個天空感覺好靚,所以就係芷情啦!」

    「咁,你記唔記得,佢個名又或者係佢嘅特徵呀?」

    「佢係一個男人,着住一件黑色嘅上衣,頭髮係灰銀色,仲好似係有戴眼鏡」

    「你真係唔知佢咩名?如果唔係我決定呢幾日,周圍去下呢頭,睇下佢會唔會係呢頭出現。」

    「好啦!多謝晒你」佢眼神帶點哀愁,我望住佢,講真我好唔忍心比佢走,因為我發現自己對佢一見鐘情。

    於是,我做出咗一個好神聖嘅決定,然而可以話我控制唔到自己嘅人性,我捉住咗佢隻手。

    「芷晴,你介唔介意暫時去我屋企暫住」

    「你話我?」

    「係呀!行啦,我帶你去」

    「咁….好啦!」

    於是,芷晴就係咁住咗喺我屋企,就係咁,由呢日開始,我就同咗我女神同居,只係有啲美中不足就係,佢係一隻鬼。

     


    07/14/2018 21:45
  2. #3 雨觴 夏

    請簡要解釋為什麼你覺得應該要舉報這個回覆。

    報告
    取消

    可疑人物(上)(3)

    於是,我就帶佢去咗我屋企,樂華南邨

    點知佢竟然停低咗,冇行到,但係我見到佢喊緊,佢眼泛淚光咁,好似諗到啲嘢咁。
    所以我就問佢,
    「你做咩喊呀!?」
    「唔知點解,特別傷感,但我明明我自己都唔知點解會喊!」
    「可能你生前都喺住呢度!又或者有相關嘅人喺度。」
    突然,有個黑衣人喺我身邊走過。
    因為我覺得佢有啲可疑,而且同之前芷晴講過個人嘅特徵好似,所以我就追過去睇下。
    我一路跑住追佢,追到去一條走廊,佢竟然消失咗,跟住我就發現走廊牆上面,有一張memo紙,上面寫住,
    [若要知芷晴身世,請致電以下電話11116666]
    估唔到連個電話都邪過人,不朽係睇到鬼嘅人。正當我諗緊嗰個人係邊個,芷晴喺我隔離,我真係怯一怯。
    「做咩粒聲唔出,跑咗去,我搵咗你好奈啦!」
    「唔好意思,我頭先見到可疑人物,顧住追去,忽略咗你,對唔住呀!」
    我無同佢講,我有佢電話,因為我唔想佢擔心,又只怪我太感情用事。
    「可疑人物?係咪就係…」
    佢話口未完,我就同佢講,唔好太過擔心,且家你淨係收心養神,去記返起啲野就得,其餘我幫你去查,所以放心交比我啦!」
    「咁…好啦」
    就係咁,我每日一起身,又或者做完part-time返屋企,屋企都總係多咗一個人,感覺特別唔同,就好似多咗個老婆喺屋企咁。
    我知道佢總有日會走,但係我自己又總係沉淪落去。


    07/16/2018 15:49
  3. #4 雨觴 夏

    請簡要解釋為什麼你覺得應該要舉報這個回覆。

    報告
    取消

    可疑人物(下)(4)

     

    我決定咗啦!我要搵嗰個黑衣人。

    所以我WhatsApp咗佢。

    「請問你識唔識芷晴?」

    「我唔明你講咩,邊個係芷晴,你又係乜水!」疑似黑衣人説

    我心諗,你真唔知定假唔知啊,扮咩嘢呀!咁神秘,做咗虧心事?

    我決定騙佢入局。

    所以我就份咗芷晴上身。

    「你真係唔記得我咩?芷晴呢個名,你改㗎喎,唔好喺鬼面前講大話。」

    「你真係芷晴?點解仲唔去投胎,我三番四次叫你快啲去往生,點解你唔去,我都係為你好,只因我愛你,所以忘記我好唔好。」

    咩話?我愛你,究竟你同芷晴係咩關係,點解你哋好似好熟咁,唔通你係佢前男友。

    「你做咩喺我面前講大話,我之前未問你識唔識佢,係都要我耍手段,先肯講。」

    「你…你係邊個,點解你會識佢?你都見到佢?」

    其實我並非見到佢,只係入行嗰時,我哋麥記都有秘密法寶去令我哋見到佢。

    當中,唔知點解得我嗰件,特別弱智,竟然係,開心樂園餐嘅玩具,仲要係多啦x夢嘅放大鏡,不過都係因為咁,我得到好多女前輩歡心,佢哋叫我小鮮肉啊銘,無錯,我嗰名真係好怪,叫做銘分,我都唔知個名做咩咁地府,不過都唔緊要啦!入返正題先。所以我就決定要扮下見到鬼。

    「係…係呀!我見到佢」

    「你就係嗰日追住我喺後面嗰條友。」

    「係呀!又點呀!」

    「你係咪傳說中嘅外賣驅魔師?」

    「你點知㗎!」

    「今晚十點,樓下見!」

    究竟咩事呢?我對於呢件事,我抱住一種探險嘅心態,去應付今次嘅任務,祝我好彩!

     

     

     


    07/18/2018 15:13
  4. #5 jojonaga

    請簡要解釋為什麼你覺得應該要舉報這個回覆。

    報告
    取消

    哈哈 寫得幾好題材有趣… 加油加油

    希望多一些突出的女角色


    07/18/2018 17:02
  5. #6 雨觴 夏

    請簡要解釋為什麼你覺得應該要舉報這個回覆。

    報告
    取消

    明白!(5)

    一個人可以為一個人去到幾盡,

    係因為愛,定係責任?

    係窮?定係無聊?

    我諗應該係愛。

    如果唔係,我又點會冒著生命危險,都要將芷晴嘅身世,查出嚟。

    如果唔係,我宜家都唔會身處喺呢度。

    我企喺走廊嘅正中間,裏面好昏暗,仲帶點陰森嘅感覺。

    然後對面有嗰人喺度。

    冇錯,係佢。

    「你,就係嗰個外賣仔?」

    「冇…錯」

    我感覺到自己手心流緊汗,然後腳在顫抖着,每次當我好驚嘅時候,都係咁,今次亦唔例外。

    「點解你要咁樣對芷晴!」我前所未有咁大聲同人講嘢。

    「因為咁,佢先可以投胎轉世,如果唔係佢就註定咗要做地縛靈,永遠都要留喺人間,唔可以重新做人,所以你明唔明,我咁樣都係為佢好!」

    我心裏面,有好多個問號,因為我都係初入行,我跟本就唔太知鬼嘅事,投胎轉世,我亦唔係太清楚,我只係諗住,如果比芷晴聽到呢番説話,佢一定好唔開心,我而家淨係想顧及佢感受,因為我覺得,無論係鬼,定係人,都應該得到尊重。

    「你唔驚芷晴會傷心?你知唔知你講嘅嘢,真係好hurt 人啊!」

    「咁,我寧願恨心啲,好過佢漫無目的咁喺人間,起碼呢啲對佢都只不過係一下嘅痛楚,都好過佢一世留喺度,獻世。」

    我忽然間覺得佢講嘅話,好有道理,我漸漸都無咗好嬲呢種感覺,但係我好好奇關於佢嘅故事。

    「點解,你會同隻鬼,開始呢段咁嘅戀情?」

    就係咁,佢開始講述佢哋嘅故事。

     


    07/20/2018 02:04
  6. #7 雨觴 夏

    請簡要解釋為什麼你覺得應該要舉報這個回覆。

    報告
    取消

    你幸福就夠(6)

    我哋嘅故事,可以話,由佢未死之前,我哋就識,嗰時我哋都只係同佢識咗幾秒,佢就死咗喺我面前。我哋只係擦身而過,我過馬路,然後見到佢沖紅燈,最後白色嘅裇衫,染成血紅色,我即刻沖埋去,

    「小姐!你冇事嗎?」我嘅自我機制話我知,我要即刻報警,之後call白車。

    但係,我真係好驚要去醫院,因為我有陰陽眼。

    所以我並冇跟埋一齊去,因為我怕見到鬼。

    但係我都係見到佢,企喺花園,望住紫色嘅芷丁花,喊緊,我於是走過去,

    「小姐你未係頭先…」

    「你…見到我?」佢喊住問我,眼眸裏帶淚光咁講。

    「係!」

    「點解全部人都見唔到我,點解我連自己係邊個都唔知,甚至點解我隻手透明咁。我…係咪己經唔生存係世上,我…死了!?」

    「係,你有冇咩心願?」

    嗰時嘅佢係最靚嘅,佢頭上面嘅長髮,就如和空氣在跳舞,飄逸地跳動,就係因為呢種魅力,我同佢發生咗關係,

    其實我係做電器嘅,幫人整電腦,電話咁,喺先達有舖。

    有一日我收緊舖,佢嚟陪我看舖,因為舖面太窄,唔小心我轉個身,我哋面對面,我見到佢眼神晃忽,我亦都心跳加速,最後我哋鍚咗!

    之後,我自己真係接受唔到同隻鬼一齊,我留低咗佢係旺角街頭,之後我真係好後悔,因為我hurt咗佢,我自己好內疚,當我見到屋企全部都差唔多係佢啲嘢,嗰隻紫色嘅兔仔,佢擦牙嗰支牙擦,我發現自己好掛住佢,但係我已經唔可以再見到佢,因為佢已經消失得無影無蹤,過咗都兩年啦,我而家先見返佢,佢係街度流浪,我就算見到,我其實希望佢可以忘記我,重新投胎做人,佢幸福就夠。

    我哋下世願再做情人。


    07/21/2018 01:00
  7. #8 雨觴 夏

    請簡要解釋為什麼你覺得應該要舉報這個回覆。

    報告
    取消

    離別(7)

    估唔到佢哋嘅故事係咁,就係如此令人感人,又咁快完結,我真係第一次聽,通常都只係會係小說先聽到,可惜這些機會不屬於我。

    「估唔到成件事係咁,放心啦!我會搞掂㗎啦!」

    「芷晴,交比你啦!」

    「做咩講到好似嫁女咁!」我笑咗一笑。

    「咁,有感情嘛!」

    「明白」我拍拍佢膊頭,然後講

    「放心交比我,我會做到好好睇睇!」

    就係咁,我同呢位人兄…其實佢叫晞聰,我哋做咗時不時出嚟喝酒嘅兄弟。

    返到屋企,我估唔到

    芷晴竟然坐喺梳化等我返嚟,我嗰刻真係有感動嘅感覺,我從來冇試過,一個女仔可以為咗

    等我,而等到瞓著咗。

    不過,我都係要快啲幫佢完心願,咁佢就會投胎。

    「做咩瞓喺梳化呀?」我拍拍佢膊頭

    「你返黎哪!等你呀嘛!」

    「咁眼瞓,你瞓先呀嘛!唔好咁辛苦等我啦!不過你有冇咩心願?」

    「我?我希望可以再見一見晞聰,咁我呢一生就無憾啦!」

    「咁如果我話,我幫到你呢?」

    「真係!?」

    「係!我聽日帶你見佢好冇?」

    「好呀!」

    「咁仲唔快啲瞓!」

    「收到!銘sir!」佢扮晒警察致敬嗰動作,真係好搞笑!

    有時,愛你是我唯一不離開世界的原因。

    我睡眼惺忪,完全唔知咩事,就係聞到一啲好香嘅太陽蛋味,我走出房門,完來芷晴,一早就整好晒早餐比我,仲要係太陽蛋加腸仔再加多碗公仔麵,真係好賢妻。

    「啊銘!今次係我最後一次幫你整早餐啦!因為見完晞聰之後,我就走啦!」佢笑住,但同時又有啲唔捨得。

    我有啲唔捨得,同時又希望佢可以重新開始佢嘅第二人生。

    「你要幸福啊!同埋記住搵頭好人家投胎啊!知唔知?」

    「知道啦!你都要好好生活落去啊!」

    食完早餐之後,我就帶佢去見晞聰。

    「你要見嘅晞聰呀!」

    佢突然熱淚盈腔話,「我真係好掛住你,你去咗邊,點解嗰日唔出聲走咗去啊!」面上嘅淚水不禁流下來,像大雨傾瀉一樣。

    「對唔住,之前咁對你,我以後唔會,我愛你呀!」

    好閃,係閃光彈,要戴返副黑超先。

    「我都愛你!」佢哋互相擁抱大家,但世界往往如此殘忍,兩人係時候分開。

    「芷晴!你冇事啊嘛!你隻腳做咩變咗半透明嘅?」

    「我…我」佢望住自己隻手,再望住晞聰,然後笑咗,但流下了不捨的淚,然後就話,

    「晞聰!你要好好照顧自己啊,同埋忘記我,搵個比我更值得去愛嘅人,我時晨到,係時候要走啦!」

    之後,我地就睇住芷晴慢慢消失,呢件事,令我明白,咩叫錯的時間,對的人,只怪佢哋喺錯嘅平行時空相遇,如果唔係佢哋可能可以做一世情人,我只可以說,真的非常可惜。


    07/22/2018 22:03
  8. #9 雨觴 夏

    請簡要解釋為什麼你覺得應該要舉報這個回覆。

    報告
    取消

    陳生個女(上)(8)

    一切如常,我回到我們在九龍灣的基地,在工廠區的麥記,

    「啊銘終於返嚟啦!」在麥記的職員,大我一年嘅姐姐話,佢係一個好高嘅女仔。

    「係啊!搞掂啦!」

    「咁快」

    話說我一開頭都唔覺得有咩問題,但係呢度真係有啲隱蔽,正常人唔會知道有嗰咁嘅地方,正常冇job接,就日日都係咁,幫人落下單,有時炸下薯條,有時啜下雪糕咁,但我哋呢間就特別多外賣,就好似今日咁,大家都好忙,表面上,佢哋都係普通職員同經理,但其實佢哋個個都臥虎藏龍,係好勁嘅驅魔師,而小弟其實連試用期都未過。

    「啊銘!有外賣電話呀!幫我接啊!我唔得閒」又係頭先嗰個女仔,佢叫緒希,其實佢之前都係喺我間學校畢業,係我師姐。

    「係,嚟啦!」我沖過去接

    我拎起電話,深呼吸

    「請問有咩幫到你?同埋貴姓啊?」

    「陳生,要個豬柳蛋加大,加多個香芋派,唔該。」

    係啊!幫我同佢講啲嘢。」

    「係咩?」

    「呢個係爸爸最後一次幫你嗌餐,以後記住要好好睇住自己,爸爸要走啦!無論係咩事都好,你永遠係我最乖嘅女,我會喺你身邊守護住你。」

    「啊先生,你係鬼?」

    「記住幫我同佢講,趕時間,收線啦!」

    「咪住!」

    「…….」

    佢收咗線,究竟發生咩事!

    係彩輝邨?我諗住去問個明白。

    我按一按門鐘,然後佢打開門,

    「請問係咪陳生落單,你嘅豬柳蛋加大,加多個香芋派,係咪?」

    「先生啊!你係咪痴線㗎,我冇嗌M記喎,同埋呢度冇陳生,以後…都唔會有,你走啦,去錯咗,你認錯人。」呢個身穿灰色衫,金毛嘅女仔,應該係陳生個女,佢眼腫腫地,睇嚟喊過嚟。

    我壓住對門,

    「小姐!等陣,有啲嘢陳生叫我同你講,佢話

    呢個係爸爸最後一次幫你嗌餐,以後記住要好好睇住自己,爸爸要走啦!無論係咩事都好,你永遠係我最乖嘅女,我會喺你身邊守護住你。呢個係佢講㗎!你係咪陳生個女?」

    「唔好意思,你真…係認錯人」佢流下咗一滴眼淚

    我覺得佢就係陳生個女,但係佢一定係有啲原因唔講,我真係要再深入了解一下。

    有時痛得太深,什麼有關他的事,也想不予理會。

     


    07/24/2018 02:02
  9. #10 雨觴 夏

    請簡要解釋為什麼你覺得應該要舉報這個回覆。

    報告
    取消

    家暴人亡(9)

    一定有内情,黃銘分唔可以咁易就放棄,我同自己講,於是我決定查落去。

    「咁點解你要喊?」我就問

    「我冇喊呀!我唔識呢個咁嘅老豆,亦唔應該為佢流一滴眼淚,如果唔係佢,啊媽就唔會比佢搞到變咗植物人,而啊哥就唔會…因為咁而被審終身監禁,因為佢殺咗啊爸。」

    其實我真係好驚訝,因為冇諗過咁大件事。

    「我諗我可以幫到你,不過講我知究竟發生啲咩事?」

    「其實成件事係咁,我記得以前好好㗎,每年我生日嘅時候,我哋一家大細都會去冒險樂園玩,但係自從啊爸佢賭錢賭上引之後,我哋屋企就每況越下,直至有一日,啊爸佢飲醉酒,打啊媽,到咗一日仲打到啊媽變植物人,於是啊哥嬲起上嚟,攞起個水杯,就打到啊爸腦出血,當我返到屋企嘅時候,啊哥攞住個杯,上面沾滿晒血,我當時真係好驚,眼定定望住呀哥,再望下地下,啊爸暈咗喺地下,成頭都係血,而啊媽比人打到周身瘀晒!所以如果唔係佢爛賭,頭家就唔會散,我呢一世都唔會原諒佢。」佢由頭先哀傷嘅眼神,漸漸變得憤怒。

    突然我感覺到有陣風喺我身邊走過,於是我就攞起我個法寶,打開照一照。

    陳生佢……企咗喺我隔離。

    「赫死咩!陳生突然走出嚟!」我個心離一離

    「你唔係死咗咩!仲咩係到出現!」比陳生個女見到死得!

    我犯咗我哋條約嘅第一條,就係不得讓委託靈魂接觸事件當事人,否則當事人會有生命危險。當我諗緊用咩方法解釋,我轉個頭,佢消失咗。

    陳生呢?去咗邊度,點解見唔到佢,我左望右望都見唔到佢,佢自動消失咗。

    當我回過神,望返去陳小姐度,佢面色好蒼白,面青青,又冇精神,慢慢佢暈低咗。

    我見到咁,我第一時間打電話call白車,希望佢無時啦!

    有時恨的最初,是因為愛得太在乎。

     

     

     

     

     

     

     

     

     


    07/25/2018 01:29
  10. #11 雨觴 夏

    請簡要解釋為什麼你覺得應該要舉報這個回覆。

    報告
    取消

    陳生個女(下)(10)

    到咗醫院,我真係好擔心佢會有啲咩事,我驚佢有事,咁嗰時我就死啦,因為規則應驗咗,佢真係有生命危險。

    「醫生佢冇咩事呀嘛?」我見醫生出咗嚟,我就即刻走過去問

    「冇咩特別事,佢只係血糖低!所以釣完鹽水就冇事。」嗰位醫生話。

    「唔該!」我講完呢句之後,即刻走過去陳小姐度。

    我望住佢蒼白嘅樣,眼眉冇放鬆過,眼亦好腫,突然佢流下咗一滴眼淚,然後講咗一句說話,聲線陏懶咁講。

    「點解你哋一個二個都離開我身邊,留低我一個人,你哋可唔可以返嚟唔好走呀!」

    之後就繼續瞓。

    我諗住打返去總部問下,點知當我攞起電話嗰一秒,佢醒咗。

    「呢度係邊呀!啊爸啊媽同啊哥呢,佢哋去咗邊,係喎…連我自己都唔記得,佢哋已經唔係我身邊。」佢表情開始麻目,簡單嚟講佢變得無表情,但係就流住眼淚,其實明明在意,卻又扮冇嘢,我一眼就睇得出。

    「點解你仲喺度嘅?」佢問

    「咁我驚你出咗啲咩事呀嘛!」我笑住同佢講。

    「你究竟有咩企圖,仲咩係咁跟住我呀!」佢嬲嬲地

    「因為我接受咗你啊爸委託,比呢個麥記外賣你,呢個係我嘅職責。」我同佢講

    「你嘅職責,咪玩啦!你只係一個外賣仔咋喎!」有種唔相信我嘅感覺,不過我明,如果我話麥記其實係用嚟驅鬼,佢哋都會當我痴線。

    「咁信不信由你,我都唔可以令你絕對相信,不過你啊爸真係好鍚你,只係你一直都唔知。」

    「天大嘅笑話,佢好?如果佢係錫我嘅話,咁點解仲要去賭錢,飲酒呀!」佢真係好怨恨佢啊爸。

    「咁你始終都係佢親生,佢又點捨得唔要你呢!」我開始打算説服佢

    「或者你哋係咁諗,但到咗呢一刻,我覺得自己仲未可以原諒佢。可能到咗有一日,我唔再記起呢啲傷心嘅回憶嗰時,我終有一日我會原諒佢。」佢開始漸漸會心微笑。

    「睇嚟你已經諗通咗。」我接住答佢

    「當我見到呢個豬柳蛋同芋頭派,我記返起開心嘅回憶,係細個嘅味道,我就唔嬲啦!」佢笑笑口,同時流下開心嘅眼淚。

    呢件事對我嚟講,我都係第一次接觸家暴,估唔到呢件事係咁有戲劇性,喺呢個任務裏面,我完成咗啦,終於可以「close file」。

     

     

     


    07/26/2018 21:45
  11. #12 雨觴 夏

    請簡要解釋為什麼你覺得應該要舉報這個回覆。

    報告
    取消

    寧靜地死去(11)

    今日我本來以為好平常,都係咁,點知緒希聽完電話之後,有啲激動,成個人呆咗企係度。

    「做咩呀!緒希,咁呆滯嘅!」我拍拍佢膊頭,我本來以為冇咩嘢,點知佢流咗滴眼淚,死啦!我整喊佢?!

    「對唔住呀!咁大力拍你,真係sor呀!」其實我都係第一次整喊女仔,估唔到咁就比咗佢。

    「啊銘點算呀!醫院打嚟,話我啊爸有生命危險。」佢好緊張,手腳顫緊,仲有啲擔心。

    「冷靜啲先,我陪你去醫院,你啊爸唔會有事嘅。」我雙手捉住佢膊頭,希望佢會冷靜啲啦!

    佢冇講任何嘢,淨係眼神答我一個「好!」

    諗返以前,佢係學校真係完全唔似一個咁嘅人,我識既佢,明明好堅強,我以前仲要話佢,你正一男人婆,佢仲會打返我轉頭,我真係唔知點解,而家嘅佢,點解變得咁脆弱,或者越堅強嘅人,越脆弱呢句,係真㗎。

    於是我就陪咗佢去。

    「放心!唔好諗咁多,向好嗰邊諗!」我同佢講。

    「由細到大,我哋就相依為命,啊媽喺生我出嚟嘅無幾耐,就死咗,之後睇住我長大嘅定係養我,都係佢,可以話佢係父兼母職,所以我同自己講,大個一定要好好報答佢,同埋要堅強咁生活落去,點知到咗呢一刻,我都係唔小心喊咗,我真係冇用。」佢越講就越喊得勁,我試下去安慰佢,但佢都係喊咁口,我無能為力。

    醫生走出病房,搖一搖頭。

    「醫生,我啊爸點呀!」緒希喊住咁問我

    「你啊爸,未度過危險期,如果幸運嘅話,佢或者會冇事。要睇佢自己做化」醫生好冷淡咁話,其實我明,如果太感情用事,就會對每件事都好内疚。

    佢即刻跑入病房,望住住佢病重嘅爸爸,捉住佢隻手,然後祈禱。

    平時都好少祈禱,因為佢信佛嘅。

    不過今次竟然祈禱。

    突然,病床隔離個櫃,上面個橙跌咗落嚟,啱啱揼落緒希到,明明冇風,點解會咁?

    我心裏面充滿懷疑,我覺得一定係有鬼搞佢,唔通係世伯?於是我攞放大縮細鏡,簡單啲係驅魔器出嚟,照下佢。

    然後我問「呢個係咪世伯呀?」有個老年男人喺緒希後面。

    「啊…….爸?點解,你會喺度,明明你仲瞓喺病床,點解你…」佢驚訝到呆咗,然後眼比頭先紅腫。

    「呢個係靈魂,世伯個靈魂。」我好認真咁講。

    「咁姐係過唔到今晚!」佢有啲唔開心。

    「可能有方法比佢入番去呢?」我明明知道冇可能,但係又比假希望佢,其實我只係想佢唔好咁傷心。

    但係算啦,其實我哋都打定輸數。

    「乖女,佢係你男朋友?對你咁好,嫁得過!咁我老人家都放心走啦!人終雖一死,只係我比你早走,我哋遲啲再見啦!哥仔,我要走啦,好好睇住我個女,佢有時就係咁,口裡説不,心裡卻很誠實,所以要比到幸福佢呀,我行先一步啦!」世伯講,語帶安慰,然後跟住道光行,行行下就消失咗。

    但問題係,世伯誤會咗我哋,佢以為我哋一齊咗,我細個佢,人又冇野叻,而且真心對佢冇

    好感,雖然佢軟弱嗰時,其實都幾可愛,不過如果係我,緒希係都唔會揀我。

    「啊爸!唔好走啊!」佢爆喊

    心電圖慢慢由正常數字變為0,然後護士醫生都走過嚟,經過醫生搶救,都係無能為力,最後我哋聽住醫生宣布死亡時間,「林建崋,死亡時間淩晨1:48分,宣布死亡。」

    佢仲喊得越勁,我安慰住佢。

    然後喺病房外嘅椅上面,我哋坐低,你不久之後就喊到瞓著咗,仲唉係我膊頭到,我冇叫醒佢,因為今日你傷心夠啦!好好瞓一覺,將所有事情都忘記。堅強咁耐,係時候放鬆一下,我唔單單同佢講,同埋我哋香港人都係,堅強咁耐,放鬆一下,好嗎?

     

    雖然醫院,寧靜得令人毛骨悚然,但係反而,令大家放鬆下來。


    07/29/2018 02:17
  12. #13 雨觴

    請簡要解釋為什麼你覺得應該要舉報這個回覆。

    報告
    取消

    人妖。鬼妖(12)

    「 餵!都咁夜囉,不如玩蝶仙?」一班去露營嘅大學year 1生去,其中一個男仔講。

    「吓!唔好掛?!」有兩個女仔同時話。

    「好呀!最中意咁刺激。」另一個男仔話。

    「我哋咁啱四個人,就用呢個蘋果啦!」其中一個男仔話。

    「好驚呀!」兩個女仔驚到攪埋一齊。

    之後四個人一齊,掂住個蘋果,然後開始玩,突然蘋果向住其中一個人嘅方向停咗,然後個蘋果自我分隔,分開咗一嚿嚿,而嗰個人就食咗其中一嚿,之後就中毒致死。每個人都有食,所以最後四個人都死咗。

    麥記裏面好漆黑,四個員工準備收工,然後經理講咗呢個鬼故。

    「嘩!咩鬼故嚟㗎!都唔驚嘅!」我哋麥記其中一個女店員萌月,啲人通常叫佢神婆,因為佢玩塔羅牌好叻。

    我笑一笑敷衍了事,因為我真係驚!

    突然電話一響,我哋四個人互相望住大家停咗喺度。

    「快搵人聽電話啦!」另外一個男員工,羚雄話。

    「我去聽啦!」經理跑過去接電話。

    萌月笑笑口然後講「午夜凶靈呀!呵呵!」

    「喂!打嚟有咩幫到你?」經理問電話裏面嘅人。

    「鳴~」有個疑似女仔出聲。

    「喂?小姐?」經理又問。

    「救命呀!」個女仔答。

    「小姐,你係咪打錯呀?雖然你打錯電話,但我可以幫到你,小姐你係咪比惡靈纏身?」 經理又再問。

    佢好慌張咁答,「係~呀!係一個好噁心嘅人妖。」

    「人妖?真?你唔係玩電話呀嘛?」經理好懷疑。

    「真㗎!啊~~~唔好搞我啊!」佢叫咗一下,然後又答返。

    「喺邊度呀?」經理問。

    「喺一間廢棄學校裏面,不過我都唔太知喺邊,我一醒就喺度。」呢句係嗰女仔最後一句說話,之後就收咗線。

    「當事人話會喺香港其中一間廢棄學校,我哋分頭搵好冇?」經理好凝重咁問

    「好!」我哋三人異口同聲回答。

    「話時話,點解呢幾日唔見緒希?」經理問我

    「佢呀爸走咗,所以請咗兩日假!你唔係經理咩?佢請假你應該知㗎!」我語帶疑問咁問佢。

    「我忙呀嘛!未唔記得囉!仲唔快啲做嘢!」經理回答。

    「有冇OT回水㗎?」另一個男仔嵐一話。

    「咁!睇你表現啦!」經理話。

    於是就係咁,我哋分頭行事去咗唔同嘅廢棄學校。

    過咗咁耐,我已經去咗三間有多,都冇所講嘅女仔同人妖喺度。我抱住搵唔到嘅心態,繼續死死地氣咁搵,去到咗最後一間,我行行下,突然我嘅記憶,行動,心跳,成個人就好似被抹殺咁,我成個人向後跌低咗。

    我進入咗美好嘅夢境裏,係聖誕節嘅一個夜晚,我喺用第三人稱去睇住,緒希同自己。

    比平時唔同嘅係,佢今日着得靚咗,白色嘅緊身冷衫配一條紅豆色長裙,仲着咗件卡奇色嘅外套。然後行過嚟,攪住我。當時我仲笑咗,見到自己同佢一齊,我真係好驚訝,當我諗住走過去問個明白,佢哋消失咗。

    然後突然我去到教堂,我又見到自己,我企喺神父前面,然後新娘進場,我好期待,因為好想知另一半究竟係邊個。竟然又喺緒希,今次佢着住婚紗,估唔到我哋竟然結婚,點解到咗呢一刻,呢個夢仲係充滿住幸福既氣息,明明我知道自己配唔起佢,點解會結婚?

    又再一次消失。

    我去到一間好溫暖嘅屋,上面掛滿唔同嘅生活照,有我哋結婚嘅,有拍拖,有生仔,咩話?生仔!?

    突然傳出一句女人講嘅話,「BB,好乖好得意呀!」係緒希!

    然後我又見到自己,做咩事,我見到自己同緒希瞓埋一張床,中間仲有個BB,佢係我個仔?好得意,我想走過去摸佢嘅時候,全部美好嘅嘢都消失咗,一切完結,但係我醒唔到。

    有一句話喺我耳邊傳出,「我所比你嘅一切,滿意嗎?唔好再拃禍我嘅好事。」係一把男人聲,有一陣風喺我身邊飄過。

     


    07/30/2018 16:21
  13. #14 雨觴

    請簡要解釋為什麼你覺得應該要舉報這個回覆。

    報告
    取消

    人妖。鬼妖(下)(13)

    我擘大眼,眼前係一個恐怖嘅女人?男人?

    唔係係偽娘,簡單嚟講係一隻身穿紅色連身裙嘅大叔,睇嚟佢係惡靈。

    我問佢,「你想我點啊!咁壓住我喺地面。」

    佢用佢低沉嘅男聲同我講,「你正正就係我杯茶。」我嗰刻真係毛管戙,好恐怖呀!頂!

    突後我問佢,「你究竟想點?」

    佢細細聲喺我耳邊同我講,「我想…食咗你!」

    真係Dllm佢啊!Wtf!好X驚。唔好諗咁多快啲搵方法救人之後逃走。

    正喺我諗方法嘅時候,我記返起我嚟之前,經理比咗個對講機同埋啲聖水我,細細樽好似白花油樽咁,喺我褲袋度。我嘗試伸隻手落褲袋攞,但係手唔夠長,終於幾經辛苦攞到出嚟。

    但係佢己經幫我除緊褲鏈。

    我就話,「靚女,喺呢到搞呀!唔驚比人見到咩?」心諗我個良心好痛呀!

    佢就話,「唔驚,正常人都見唔到我,冇事嘅!」

    我話,「不如去前面嗰間廢棄學校先啦!好冇?」

    佢話,「好!你怕醜,呀姐讓你。」

    我諗住等佢行過去嘅時候就灑落佢度。

    點知比佢發現咗…

    佢問我,「呢支咩呢㗎?」

    我話,「冇,呢支潤滑油嚟姐!」真係赫到個心離一離。

    佢笑一笑然後話,「一手準備喎!」

    於是我扮嘢搽咗啲喺手,然後拍落去佢膊頭。

    佢話,「你…你做咩呀!我個膊頭好痛!」

    我話,「你個大叔仲話要食咗我,你食屎啦!講,嗰女仔喺邊度!?」

    佢好嬲咁話,「大叔?你話咩話!」

    我一度攞部手機出嚟Sd WhatsApp比我哋個員工群組,然後話,「你唔係大叔咩?」

    佢話,「點解次次啲人都要話我係大叔,我只不過係想正正常常做嗰女仔,點解全世界就係要咁岐視我。」

    佢講完呢句話,我突然諗到佢點解要捉咗個女仔。

    但係我決定咗要明知故問下,我唔太肯定自己嘅推測。

    我就問佢,「講呀!點解要捉個女仔。」

    佢話,「我想真真正正做一個女人。」

    我開始諗到佢嘅動機,我估計佢係諗住佔據嗰女仔嘅身體,繼續做人,係真正嘅女人先啱。

    我之前都聽過,據說一隻鬼長期上一個人身,如果命格相同,隻鬼就會永遠佔據嗰個人嘅身體度,但反知真正屬於嗰個肉體嘅靈魂,就會永遠消失。

    所以嗰女仔同呢隻咁嘅鬼,應該就係命格相同。

    而隻鬼話想做一個真正嘅女人就係想暗示要佔據個女仔嘅身體。

    不過我係唔會咁易比你完成呢個計劃嘅,因為我唔想一個無辜嘅人,消失喺你手上。

    我就同佢講,「你係咪諗住佔有個女仔嘅身體啊!?」你嘅詭計仲唔比我識穿。

    佢嗰樣好似有啲心虛,但又扮堅定咁講,「我…想試下做女人,唔係咁都唔得啊嘛!我借佢身體姐!」

    我帶有疑惑咁問佢,「真係咁?咩你唔係諗住用佢個身份過第二人生咩?」

    然後佢竟然口出狂言,「係又點呀!都唔關你事。」

    我就話,「唔關我事?你備免太睇少我啦!你估我無辨法制服你咩!你思想實在太簡單啦!」我冷笑咗一下。

    佢話,「咁你又覺得你一定制服到我咩?睇下邊個快啲先啦!」

    然後就跑走咗,一直跑去廢棄學校度,我一直追一直追,終於到咗,但我望下周圍,都見唔到佢同個女仔。

    突然有個女仔走出嚟,着住一件華麗嘅晚禮服,化咗一個好濃嘅妝,當我走過去,佢又唔知去咗邊。

    我感覺到有一陣冷風喺我背脊嗰邊吹出嚟,就好似雪櫃啲冷風咁。

    我耳邊傳出一把少女嘅聲音,「你搵我呀?」

    直覺話我知,冇啦!已經上咗身啦!挽回唔到啦!

    不過我要堅持住。

    我要佢夢想幻滅。

    我就話,「做咩呀?大叔小姐。」

    果然我又挑戰佢底線,不過佢開始露出破綻。

    少女話,「咩大叔呀!點解咁都要岐視我。」慢慢甜美嘅少女音變成邪惡的魔鬼聲。

    好彩我帶咗啲繩嚟,我諗住攞嚟綁住佢。再唔驅魔,唔止嗰女仔,我都會死喺佢手上。

    我輕佻咁講,「你有本事就嚟捉我!」

    我走嚟走去,隨手攞咗張凳,放喺中間。

    佢企咗喺中間,我將聖水灑向佢雙眼,正常佢應該咩都睇唔到。

    然後將繩放喺地上,然後圍住佢走,再拉一拉,打個死結,將佢綁起喺將凳度。

    攞住本聖經,打算開始驅魔,點知經理同其他同事都到咗!

    經理話,「停手!等我嚟!」。

    我問,「點解?」。

    佢話,「我真實身份係神父,我識驅魔所以交比我啦!放心!」然後拍拍我膊頭!

    我哋喺側邊幫佢,一個灑聖水,一個攞住個十字架,而經理就讀聖經。

    喺過程中,因為今次嘅惡靈唔係太勁,入世未深,雖然中間我哋都要㩒住佢先可以繼續到,但係最後都成功。

    嗰個女仔喺最後嘔咗啲綠色嘢出嚟,之後好似失咗憶咁咩都唔記得晒!

    到最後,佢差啲就想報警,佢以為我哋綁架佢,好彩最後都解決咗。

    我諗呢行已經係我嘅宿命,the Exorcism  must go on.

     


    08/01/2018 20:57
  14. #15 雨觴

    請簡要解釋為什麼你覺得應該要舉報這個回覆。

    報告
    取消

    收音機聽眾(1)(14)

    「今日又嚟到12:00鐘,我哋繼續聽下一位聽眾嘅電話。」電台DJ小M說到。

    呢個係一個深夜點歌傾偈嘅節目。

    「我好唔開心!」一位聽眾話。

    「做咩唔開心呀?」小M問

    「我男朋友話要同我分手!由嗰日開始,佢就好似切底變咗第個人咁!」個聽眾喊住咁講。

    順帶一題,小M其實係萌月,佢除咗係麥記到做part-time,佢夜晚仲有另一個身份,就係戀愛急救室嘅DJ,專係安慰一啲失戀嘅聽眾。

    「嗰日?可唔可以分享下個故事?」小M又問,佢覺得佢男友係比鬼上身。

    「嗰日我哋食完飯,未返屋企囉!佢突然話要去seven仔到買嘢,咁我自己未返去先囉!點知一返到嚟,佢就好似變咗第二個人咁,好暴躁,有時仲打我,有一日我放工返屋企仲見到佢同第個女人一齊,於是佢就同我提出分手,仲即刻叫我唔好留喺屋企度。」佢好傷心咁話。

    「都唔怪得你咁傷心,咁就放低佢啦!搵過一個更好嘅人,雖然我知放低係好難,但放手啦!」小M話。我只可以咁講,其實我知道你男朋友嘅肉體已經比鬼魂佔據咗!

    「接落嚟播首歌送比呢位聽眾《終於好天氣》希望你過咗呢次低潮之後,終於好天氣!」

    音樂播出…

     Don’t be alfead~

    絕處到底可反彈高飛~

    沒有永久的劫難期~

    泥中翻身勇敢地撐起~

    可惜,可惜!

    萌月打開塔羅牌,唉咗一聲然後細細聲咁講,

    「連神都唔容許佢哋一齊,好一對苦命情侶!」

    ↠↠↠↠↠↠↠↠↠↠↠↠↠↠↠↠↠↠

    (以萌月作為自白)

    「喂!我琴日夜晚喺電台度,聽到呢個故事,經理我哋要唔要幫佢?我收工嗰時問咗人攞佢電話。」萌月話。

    「唔~都可以,不過我哋萌月做咩突然咁樂於助人!」經理笑一笑之後話。

    「因為佢嘅故事,同我以前好似,所以我好想幫佢哋。 」萌月好正經咁望住經理講。

    「哦!咁你就去囉!」經理話。

    終是萌月就去搵返嗰個聽眾。

    由於唔想咁多人知道麥記其實係驅鬼,所以佢會扮想用佢哋故事嚟拍劇嘅導演。

    佢打算WhatsApp一下佢。

    「請問你係咪琴日戀愛急症室嘅嗰位打電話嚟嘅聽眾?」萌月以導演嘅身份問佢。

    「係呀!有咩事呀!?」嗰位小姐問。

    「我想用你同你前男友嘅故事做一個微電影。你介唔介意?」我問。

    「點解要喺呢個時間同我提返起佢嘅事?」佢問。

    咁我都照直講啦!

    「其實我想幫你!因為你男朋友其實有啲事!」我話。

    「咁咩事?你係咪假㗎,你r撈啊?」佢話。

    「唔係,我係真㗎,介唔介意出嚟見下?我真係可以幫到你男友。」我話。

    「好呀!一試無彷,我只係想佢返嚟我身邊!」佢話。

    「咁deal嫁啦!」我話

    其實話大家知,我表面好似玩玩下,好似成日都好開心咁,但其實我都會唔開心,只係一直唔講,呢次之所以咁想幫佢,係因為我以前都試過,不過就唔係男友,係我啊爸,佢都係比鬼上身,本來我都唔知,因為我估佢係壓力太大姐!點知有一日我返屋企見到佢自己喺度自殘,仲要望住啲血喺度笑!

    我細個嘅經歷,就令到我要立智成為一個神學家!

    因為我唔想呢種事再發生喺任何一個人身上。

    所以今次我一定要幫呢個女仔既男友。


    08/03/2018 23:57
  15. #16 雨觴

    請簡要解釋為什麼你覺得應該要舉報這個回覆。

    報告
    取消

    收音機聽眾(2)(15)

    「hi!你好呀!我叫萌月,我係一個驅魔師。」我話。

    「你…你係驅魔師?」個女仔問。

    「係呀!」我話。

    「小姐,驅魔同我條仔有咩關係呀?」個女仔有小小嬲咁問。

    「其實係咁,我懷疑你條仔,比鬼上身。」我話。

    「邊有可能,我信你至奇,你唔係驅魔師,你係祈福黨咋掛!小姐唔好再扮嘢啦!我係唔會上當嫁。」講完,佢就攞起手袋,打算離開coffee shop。

    「咁好,如果你話我係祈福黨,咁點解我唔搵其他人要搵你?你唔係好想知道點解你男友性情大變㗎咩?而家唔想知啦。」我講完,企喺身之後,捉住佢隻手。

    「我唔係唔想知,只係唔想去面對。」佢企咗喺度,哽咽咁講。

    「你唔救佢,佢就會喺呢個世界永遠消失,你甘心?」我話。

    「唔甘心,好唔甘心,我哋一齊咗十年啦!我呢一生嘅青春都比晒佢,佢之前仲約定咗要喺我手上戴戒指,而家我咩都冇啦!無學業,無屋企人,無最愛我嘅人,我生存仲有咩意思?」佢喊住同我講。

    「我相信佢仲好中意你㗎!只係佢而家比惡靈上身,變得失去理智。比我幫佢驅魔好冇?」

    我捉住佢雙手,然後望住佢講。

    只係一邊流淚,然後講,「要救佢呀!」

    我見到佢,仿佛就好似見到以前嘅自己,以前嘅我,都有好似呢個女仔咁,見到一個好似我咁嘅驅魔師,佢就係宜家嘅經理,但係有一點唔同嘅就係,我以前遲咗遇到經理,我呀爸已經比惡靈害死咗。

    當時我同經理追上去屋企搵我啊爸,但一切都太遲,我啊爸己經切腹自殺,事後經理話,嗰隻鬼係日本嘅士兵。

    我之所以有今日嘅成就,真係要多謝經理,自從嗰日,經理就收養咗我,每日都教我驅魔嘅知識,然後到咗宜家我己經成為咗一個專業嘅驅魔師,仲可以幫一個同我一樣糟遇嘅人,可以話完咗我嘅遺願。

    「放心交比我!唔好喊啦,會好㗎!」我話。

    「真係?」佢有啲懷疑咁問。

    「真係,終於會有好天氣㗎!」我講完之後,拍拍佢膊頭。

    「你知唔知佢住邊?」我又問佢。

    「佢住…香港區啲工廠裏面,因為佢係玩音樂㗎。」佢話。

    「咁搵日帶我上去見佢!」我話。

    「好,你一定要救佢呀!」佢話。

    ↠↠↠↠↠↠↠↠↠↠↠↠↠↠↠↠↠

    (香港區某工廠大厦)

    一個搽咗紅唇,深紫色短髮,着住一條黑色連身短裙,然後同個男仔座喺梳化度。

    「啊晦!點解你會返嚟?」一個女人話。

    「我愛你愛到犯規上人身,只求見美人一笑呀!我嘅愛人。」有個男仔話,冇錯!呢個係比人上身嗰個男仔,姐係個女仔嘅男朋友。

    「咁㗎!可惜嘅係你個樣,你把聲同唔同。」個女人話。

    「咁我個心喺末得囉!」個男仔話。

    「好掛住你啲cocktail呀!」個女人話。

    「係咩?記唔記得以前我哋點識?」男仔問。

    「我哋喺酒吧到識,我仲記得嗰時你請我飲咗杯bloody mary。」個女人話,然後兩個人依靠住大家。

    門鐘響起,然後個女人問,「邊個呀?」

    個男仔去咗開門。

    係萌月同個女仔,個女仔喊到眼腫腫。

    「八婆,我都話我哋分手,你仲嚟做咩呀!我哋冇關係㗎啦,the end呀!明唔明呀!」個男仔話,個女人行出嚟,攪住個男仔,然後話,「佢哋係咩人呀!啊晦,係咪之前條友啲fd呀?」

    「冇,係以前嗰個條女!」個男仔話。

    「你仲咁多嘢講,今日我嚟,係嚟收咗你㗎,惡靈。」萌月話。

    「冇咁容易,睇下點!」個男仔串串地咁講。

    惡靈,你太單純啦!我假假地都係經理教出嚟,會有咁易。

    你要玩冇問題,我奉陪到底!

     

     

     

     


    08/06/2018 21:05
  16. #17 雨觴

    請簡要解釋為什麼你覺得應該要舉報這個回覆。

    報告
    取消

    收音機聽眾(3)(16)

    「你走啦!我己經唔係你男朋友林天峯。」個男仔話。

    個女仔捉住個男仔隻手,然後話,「我唔會信,即使你而家唔要我,唔代表你個心冇我。」

    我好想出手,但要等惡靈軟弱嘅時候先。

    ↠↠↠↠↠↠↠↠↠↠↠↠↠↠↠↠↠↠

    (數小時前)

    「首先要令到惡靈軟弱嘅時候先驅魔,所以你可唔可以幫我喚醒佢嘅靈魂呀?」我問佢。

    「可以幫到手我一定幫,但係究竟我要點喚醒佢?」佢問。

    「同佢講多啲你哋嘅回憶。」我話。

    「好。」佢話

    「你講到中途佢應該會好頭痛,嗰時我就乘勝追擊,走去用銅錢驅走佢。所以一陣聽我指示,ok?」我話。

    「ok!」佢話,但個人已經顫顫地。

    我拍一拍佢膊頭,然後講,「唔駛顫,我會保護你。」

    ↠↠↠↠↠↠↠↠↠↠↠↠↠↠↠

    (回到現在)

    個女仔有啲凝重咁話,「好,林天峯你話你己經唔記得我哋嘅故事,我且家就一一話曬比你知。」

    隻惡靈好串咁話,「你中意未講囉!反正我根本就唔係林天峯,我係喺酒吧同我愛人一齊嘅馬晦。」

    個女仔更加堅定咁講,「我足足對咗你五年,我而家都30歲啦!每次你落銅鑼灣busking嘅時候我都係你第一個聽眾,你而家同我講咩都唔記得?但天峯,我仲記得,所有嘅事,我哋嘅回憶。我記得我哋相遇嘅時候,我嗰日放工,行過time square嘅時候,見到你唱緊歌,我企係中間,我哋對望住大家,我仲記得你嗰日唱緊陳奕迅嘅沙龍,就由嗰日,我每日都落去睇你唱歌,你每次同我出街,甚至之後我哋同居,你話要捉緊溫度,所以每日我哋至少都會影一張相,你唔信可以攞出嚟睇下。」

    佢講完之後,哼咗一首歌。

    「當潮流愛新鮮,當旁人再標籤~

     

        幸得伴着你我,是窩心的自然~

     

        ‎當閒言再尖酸,給他妒忌多點~

     

       ‎因世上的至愛,是不計較條件~

       

     ‎誰又可清楚看見~                         

     ‎你記唔記得呢首歌,係我哋第一日拍拖嘅時候,你唱比我聽㗎!天峯,醒下啦!當我求下你!   」

     ‎

     ‎「啊~~~」惡靈叫咗一下,然後噤住個頭,我諗天峯開始出返嚟。

    所以我要開始驅走佢,終於到咗我嘅戲份。

    「惡靈退散,斗擔犯錯」,我攞把銅錢做嘅刀出嚟,降住佢膊頭度。

    喺個刻,佢個膊頭好似比鐵板煎過咁,出咗煙。

    我本來以為,今次實驅走到佢,點知佢推開我,銅錢散落一地。

     

    然後我即刻拾返銅錢,灑向佢,之後再將道符貼上佢額頭度,再潑啲符水,問你死未。

    「點解要咁對阿晦呀?我哋又冇得罪你哋。」

    個女人問。

    「呀~~~」天峯成個人好似控制唔到自己咁嗌。

    「咁你係咪想佢成世比魔鬼支配?」我好激動咁話。

    「做人就係咁,呢個就係人性,人性就係咁自私。」個女仔話。

    然後天峯突然嘔啲嘢出嚟,係綠色的嘔吐物,我哋即刻走過去扶住佢,因為驚佢會暈低,因為啱啱驅完鬼嘅嗰啲客人,通常都好虛弱,不過點都好,我成功驅到鬼,其實講真今次係第一次。

     

    對我嚟講呢次,係最有意義嘅驅魔。

     

     

     


    08/08/2018 21:31
  17. #18 雨觴

    請簡要解釋為什麼你覺得應該要舉報這個回覆。

    報告
    取消

    一樓一小姐(上)(17)

    「唔該!我想要個開心樂園餐,配魚柳包飲熱朱古力。送去深水埗鴨寮街康華樓一樓。」有個女人,帶啲大陸口音。

    「好!」我好似平時咁答,一切如常,我如常咁工作,如常返工,如常去驅下鬼,唯一唔同,今日緒希返咗嚟,仲由長髮剪咗做短髮,可以話成個人唔同晒。

    不過我嗰時趕住出去送外賣,冇理到佢。

    其實我都知頭先個女人做邊行,因為鴨寮街通常上樓嘅,唔係扮按摩,就係一樓一。

    果然不出我所料,真係一樓一,我呢生人都係第一次去呢啲地方,果然好多紅燈,我好驚,因為唔知㩒唔㩒鐘好,可能係本身內向,唔似啲街邊阿伯阿叔咁,咁勇喺尖沙咀同大媽調情,不過例牌都係要㩒下。

    「你嘅麥麥送到咗!」我大聲嗌。

    「唔該你啊哥仔!你哋呢間麥記,係咪驅鬼㗎?」個後生嘅女仔講,似係三十出頭,紫色漸變長髮,着住件紅色性感內衣,不過係裙嗰隻,好彩係裙,如果唔係我就流咗鼻血十世啦!

    不過正常人又或者街坊係唔會知我哋呢個部門㗎喎,點解佢會知呢,通常我哋都淨係有暗網,佢係hacker嚟?不過點睇都似係一個冇學識嘅女仔。

    「點解你知?」我問佢

    「我其實只係講下笑,因為我落咗個仔。」佢話。

    「呢件事,唔講得笑,你啱!我哋真係。」我認真咁話。

    好正常姐,不過佢真係恨,竟然可以咁樣放棄一個新生命。

    「入嚟坐下,我再同你詳細講。」個女仔好正常咁講。

    「有咩好講,你份人咁恨心落咗個仔。」我話。

    「我有苦衷㗎!」佢講嘅時候,眼泛淚光。

    「苦衷?你嘅苦衷我估都離唔開係,個仔拖累你。你哋係咁嫁啦!」我話。

    「當求下你,幫下我好冇?」講完之後,佢跪低咗求我。

    呢一刻,我突然覺得自己好衰,用有色眼鏡睇佢,我對自己嗰刻嘅偏見好後悔。

    「對唔住!頭先咁對你,怪我太偏見,不過我會幫你。」我唔感直視佢,因為佢太好身材,太靚女,係一個女神,論大陸女人,佢好好多。

    我扶返佢起身,不過都係唔敢望佢一眼。

    我一入到去,攞出我本記事簿,記低所有事嘅經過。

    「可唔可以講成件事嘅經過比我聽?」我問。

    「好,我由一次邂逅講起。」佢話

    於是呢個故事就開始。

    ↠↠↠↠↠↠↠↠↠↠↠↠↠↠↠↠↠↠↠↠

    (女仔憶述着邂逅的經過)

    嗰時我仲未入呢行,我嗰時啱啱落嚟。

    人生路不熟咩都唔識,而又見到呢份工寫住,唔使學歷又有高收入,我就係咁入行。

    過咗一排,我第一次見佢,嗰時得佢最特別,佢每次嚟並唔係上床,宜係要我同佢傾心事。

    我有一次見佢嘅時候,佢同我講好唔開心,佢話佢暗戀咗一個人,但係個人太完美,搞到佢好自卑覺得配唔起佢。

    於是我未同佢講囉,「有啲時候,唔使理配唔配得起,兩個人相愛係唔雖要理會任何因素,只要係愛,冇人係唔應該愛。」其實我都唔清楚,只係我覺得。

    然後佢就話,「如果我話,其實我講嘅嗰個人係你呢?」

    然後我話,「你…你講笑咋,我唔係一個完美嘅人,你見我冇任何嘅才華,而且又做啲咁嘅行業,我只係得外表。」

    佢就話,「對我嚟講,你永遠係最好。」

    其實當時我好感動,見個咁多個男人,每個都唔係真心,只係中意我嘅肉體,得佢係真心對我。

    自從我哋嗰日上咗床,我就有咗,而佢就冇再嚟見我,佢好似消失咗咁。

    我搵極都搵唔到佢,有一日,我見到佢,同等二個女人一齊,本來諗住等佢,嗰刻我係時候醒,最後終於死心,為咗份工,我決定落咗佢。

     

    由落個一刻,我見到個試管,然後我好後悔,到咗宜家我依然好後悔。

     

     

     

     

     


    08/11/2018 17:07
  18. #19 雨觴

    請簡要解釋為什麼你覺得應該要舉報這個回覆。

    報告
    取消

    一樓一小姐(下)(18)

    我喺一個幫人驅鬼嘅麥麥送外賣仔(18)

    「唔好意思,講咗咁耐都未入正題。」個女仔話。

    _

    「唔緊要喎,你繼續啊!」我咁同佢講。

    _

    「咁我繼續㗎喇!其實我想搵返佢個靈魂返嚟,我想補償佢。」個女仔話。

    _

    「我諗你要去返診所到入手,你介唔介意帶我去?」我問。

    _

    「好,對我嚟講呢件事,喺我心裡面永遠係條刺,係記憶碎片。」佢講到呢度,有啲唔開心。

    _

    我呢一刻,對一樓一又或者係舞女改觀,估唔到佢哋除咗為錢,仲有一個咁感性嘅一面。

    不過單親媽媽係好辛苦嘅,唔怪得佢,咪話佢辛苦,普通啊媽一個都己經好辛苦,仲話要獨力凑大一個仔,我突然覺得幫佢並唔係一件壞事。

    _

    「咁我約你聽日o唔ok?」我問。

    _

    「可以!反正我遲啲都諗住收山唔撈。」佢好有決心咁話。

    _

    「啱啊!做啲其他嘢,又或者做一啲你一直想做嘅嘢。」我話。

    _

    「其實我一直都好想開一間屬於自己嘅coffee shop!」佢話。

    _

    「你仲咁後生,想做就去做啦!」我話。

    _

    於是就係咁,我哋一齊傾咗好耐。

    過咗24小時之後,我哋又再見。

    我哋約咗喺深水埗嘅地鐵站。

    _

    「喂!」我叫咗佢一聲,唔記得同你哋講,其實佢叫啊采。

    _

    「你好呀!啊銘!」佢話。

    _

    「你帶我去?」我問佢。

    _

    「係啊!行呢度啊!」佢指住嗰度,然後講。

    _

    我哋一齊行,行過買電器嘅街,又行過一條街,然後終於到咗。

    _

    「喺呢度?」我問。

    「係啊!亅佢話。

    _

    係一間上樓嘅婦科診所。

    一上樓,我開始覺得唔舒服,有啲頭痛。

    我即刻攞起我個放大鏡照下,然後我好驚訝。

    居然有好多隻小朋友嘅鬼。

    佢哋望住我哋,一啲喺度同我哋揮手,一啲就係度笑。

    _

    其中一位,佢冇笑,都冇喊,比我嘅感覺係,佢個樣好無助,面部亦無表情,淨係望住啊采,然後坐喺度。

    我推測,佢就係啊采個仔。

    因為佢喺咁望住啊采。

    然後我攞出頭先喺七仔買嘅珍寶珠,我諗住引佢出嚟,點知佢冇出嚟,反而仲引咗其他鬼仔出嚟。

    _

    死得!唔記得咗,糖喺會引鬼仔。

    於是,我即刻將佢食咗落肚。

    「你做咩啊?」啊采望住我,然後好驚訝咁問。

    _

    「冇….冇我突然想食糖姐。」我傻笑住咁講。

    _

    「等我仲以為你有咩事。」佢話。

    _

    「我假假地都係個見習驅魔師,冇事既。我辨事,你放心。」我話。

    _

    其實我自己明明都冇信心可以驅到咁多隻鬼,何況我宜家唔舒服。

    不過宜家呢個時世,咩都試下啦。

    _

    「惡靈退散!仲唔速速現身。」我話。

    _

    「你見到?」我問。

    _

    「係,有好多,不過有一個我懷疑係你個仔。」我話。

    _

    佢周圍望,一直講,「啊仔,出嚟見下媽媽。」

    _

    佢一邊喊,一邊講。

    _

    我指住前方嘅角落。然後話,「你個仔喺呢度!」

    _

    「我個仔。」佢嘗試伸手摸下個仔,但係點都摸唔到,又睇唔到。

    _

    於是佢就踎喺度喊,然後話,「點解明明佢之前喺我個肚到,我就唔真惜,明明佢係我個仔,我仲搞到佢咁,點解連比我講一次對唔住嘅機會都冇,如果要我抱住呢一個遺憾生活到

    下半世,我不如死咗佢好過。」

    _

    我見佢喊到咁,而又見到佢個仔企喺佢隔離,拍下佢膊頭,講咗一句話。

    但係我聽唔到,淨係見到佢個口形。

    _

    好似話,唔緊要?定係你要堅強咁生活落去?又好似係話媽媽喎?

    錯啦!係三句集埋一齊。

    好啦,一於話比佢知。

    _

    「你個仔話,唔緊要,你要堅強咁生活落去,媽媽!同埋佢而家撘住你膊頭。」

    _

    突然佢停咗唔喊,望住我,佢隻眼腫晒,然後望向佢右手邊,摸下自己個膊頭。

    _

    「係佢隻手,我摸到佢隻手。」啊采話。

    _

    「我見到,不過佢好似就嚟要走。」我話。

    _

    「就嚟走?唔好走啊!」佢又話。

     

    _

    突然,我哋身處嘅後樓梯, 好光好光咁樣,然後有個男仔喺啊釆對面出現。

    _

    「小朋友,你係?」啊采問。

    _

    「媽媽,唔好喊啦!我冇嬲你。你記住要繼續努力生存落去。」個男仔講。

    _

    講完之後, 佢就慢慢咁消失。

    我諗佢真正唔再喺呢個世界徘徊,佢真正得到重生。

    我諗啊采都係。

    _

    「我知道啦!」啊采笑住喊,然後話。

    希望以後啊采可以好好生活。

    _


    08/19/2018 19:33
  19. #20 雨觴

    請簡要解釋為什麼你覺得應該要舉報這個回覆。

    報告
    取消

    小宣和肥哥哥(19)(上)

    我喺一個幫人驅鬼嘅麥麥送外賣仔(19)

    _

    「點解啲人都排斥我?我肥姐又冇錯?」一個男仔話。

    _

    然後坐喺天台個邊緣位度。

    _

    ↠↠↠↠↠↠↠↠↠↠↠↠↠↠

    (回憶起當天)

    「你個死肥仔,唔好行埋嚟呀,你咁油!」一班同個男仔同班既同學話。

    _

    佢咩都冇講,即使啲人蝦佢,啲人笑佢都好,佢都忍住啞忍。

    _

    呢個咁嘅中學生活,佢已經習慣啦。

    _

    佢本來都諗住,堅持生活落去。

    _

    但係一個人始終係人,佢都有有壓力嘅時候。

    所以喺呢個時候,佢終於引唔住,要去輕生。

    _

    ↠↠↠↠↠↠↠↠↠↠↠↠↠↠

    (回到現在)

    佢冷笑咗一下,睇嚟我生活落去都係冇意義。

    _

    我生存唔生存,我走咗又或者唔走,個世界都依然係會繼續行,個地球會繼續轉,世界唔會為咗我一個人而停止。

    少我一個唔少,多我一個唔多。

    _

    佢坐喺天台上面,然後突然企喺身,雙手打開。

    踏!

    佢跳咗落去。

    喺跳嘅途中,肥仔一直喺度回望呢一生。

    _

    我嘅一生,除咗,食嘢,瞓覺,打機之外,我已經諗唔到我一生嘅意義喺咩。

    _

    我嘅優點,缺點,都好似好普通,讀書普通,性格普通,連人都係咁普通,唯一一樣唔普通可以話係,我係一個肥仔。

    _

    其實我哋只係想有個知心好友,唔通真係咁難?

    _

    如果要總結我嘅一生,我嘅人生應該好失敗。

    _

    好啦!我都係時候走。

    再見啦!呢個世界!

    佢嘅一生,完結啦!

    _

    ↠↠↠↠↠↠↠↠↠↠↠↠↠↠↠↠↠↠↠↠

    (某中環健身室外對出天橋)

    _

    「媽媽!裏面個哥哥係邊個。」一個小朋友話。

    _

    「人?健身室有人咩?」個媽媽有啲驚,然後就話。

    _

    「係哥哥!」個小朋友指住健身室嘅窗口。

    _

    「小宣,唔好嚇媽咪!」佢即刻抱住小宣,然後急急腳咁走咗。

    _

    其實你哋又知唔知道,究竟窗裡面個男仔喺邊個?

    _

    其實就正正係之前嘅嗰個肥仔,我諗你應該會問,點解佢會喺健身室?

    _

    點解呢?就正正係因為佢跳樓嘅平台係喺健身室大樓度。

    佢嘅心願未了,所以就不停喺度做gym。

    _

    而佢嘅心願好簡單,就係希望變瘦之後可以有更多嘅好朋友,佢唔想比人岐視。

    ↠↠↠↠↠↠↠↠↠↠↠↠↠↠

    _

    (九龍灣某工廠大廈麥記)

    _

    「媽媽,我真係見到哥哥嫁,同埋嗰個係肥哥哥。」小宣話。

    _

    「小宣仲講大話。」個媽媽用手指指住小宣,然後好嬲咁講。

    _

    然後小宣就喊住咁講,「媽媽,我真係….冇…講大話….點解唔信我。」小宣喊到眼腫然後話。

    _

    「啊銘!」個經理叫啊銘。

    _

    「咩事?」我問。

    _

    「去睇下個細路。」經理話。

    _

    「好!」我話。

    _

    究竟咩事呢?個細佬喊得好慘咁。

    _

    「小朋友,咩事呀?」我笑容親切咁講。

    _

    「點解媽媽唔信我。」小宣話。

    _

    「咁點解你係都要咁握我。」佢啊媽話。

    _

    「兩位冷靜啲,話我知究竟咩事。」我話。

    _

    「我點解要同你講?」佢啊媽話。

    _

    「因為,我係驅魔師。」我話。

    _

    「你咪講笑啦!哥仔。」佢笑住咁話。

    _

    「咁見到呢樣呢?」我攞起我驅魔個卡片,然後話。

    _

    「咁….我信囉。」佢有啲唔好意思咁講。

    _

    「講啦!」我話。

    _

    「嗰日我哋行完美食博覽之後,行過天橋,小宣望住健身室個窗口,然後指住個窗口話,嗰度有個肥哥哥係個跑步機到跑緊步。仲唔係啊仔講大話。」佢講完,個樣好堅持咁覺得。

    _

    「咁如果我話,你個仔有陰陽眼呢?你仲會唔會咁堅持覺得,你個仔講大話?」我話。

    _

    我講完之後,佢咩都冇講,反而又咬手指,然後成個人好似變得好唔冷靜。

    _

    究竟,小宣同肥仔又有啲咩關鍵呢?

     


    08/27/2018 14:53
  20. #21 雨觴

    請簡要解釋為什麼你覺得應該要舉報這個回覆。

    報告
    取消

    角易親人離去之迷(上)(20)

    (P.S:遲了更,十萬個對不起,這陣子因為感情問題,思緒好不在狀態,之後會更多一點!)

    _

    「你咪係我中學同學角易!」我話。

    _

    「你係銘分?唔似你喎!」一位文靜,容貌普通,感覺好似十日冇瞓,好宅嘅一個女仔話。

    _

      我同角易都係中學識嘅朋友,由form1開始我玩到宜家,我哋自從畢業之後,就冇見過。  _

      估唔到,宜家我地竟然見返。

      _

      「喂!咁耐冇見,呢排做咩呀?畢業到宜家都人間蒸發,仲咩唔出嚟見下?」我話。

      _

      「我屋企人,過咗身。」佢帶有少少遺憾咁話。

      _

      「節哀順變啦!大家係朋友,有咩要幫手,我哋實幫㗎,老友嚟㗎嗎!」我拍拍佢膊頭,然後講。

      _

      「你最近唔係搞緊嗰個乜嘢驅魔咩?」佢問我。

      _

      「哦!有呀有呀,無聊姐!你呢?呢排有咩」我話

      _

      「我?(佢指一指自己,然後笑一笑)冇啊,未就係part-time作下嘢咁囉!」佢話。

      _

      「哦,原來係咁!」我話。

      _

      「其實我今日嚟係有原因㗎!你未搞緊驅魔嘅?可唔可幫我查下啲嘢?」佢問。

      _

     「 查嘢?查咩嘢呀?」我話。

     _

     「查我啊公究竟係咪已經上咗天堂。」佢飲一飲佢手上嗰杯long black,然後好正經咁講。

     _

     「見你一場朋友,比面幫下你囉。」我話。

     _

     「其實講真,我懷疑我啊公嘅死,係同瑪麗醫院當年3c病房病人連續死有關。」佢託住個頭咁講。

     _

     呢個陳角易,由中一到中六都係咁,越見熟人就咁kai,佢份人好慢熱,有時仲好感性,呢六年嚟,我同我另外班friend,都有keep住聯絡,唯獨係佢,咁神秘。

     _

     我好深刻,升中四嗰年,佢成個人都變咗好多,不論係唔再追動漫,轉咗睇書,唔再係長頭髮,變咗短髮,變得唔再天真,反而更加現實,呢啲變化好大。

     _

     「我之前都聽過呢單嘢。」我話。

     _

     經理走咗過嚟,然後話,「銘仔,你女朋友呀?」

     _

     「唔係呀經理,佢係我中學同學,佢搵我查嘢咋。」我有啲難為情咁話,然後只好喺角易面前傻笑。

     _

     「我唔咗你同女性朋友傾偈啦!」經理笑住咁話。

     _

     「邊度係喎。我哋入返正題啦!」我話

     _

     「你腦細咁搞笑嘅。」佢笑住咁話。

     _

    我突然諗一諗,做咗一個好正經嘅樣,然後話,「話說我之前都聽聞過呢件事。」

     _

     「呢件事?醫院嘅事?」佢有啲疑惑咁話。

     _

     「係,之前聽經理講過。」我話。

     _

     「哦,咁你會幫我?」佢望住我,然後話。

     _

     「係呀!老友嚟㗎嘛。」我話。

     _

     -突然講到呢度,我諗起好耐之前,正話佢早退嘅後日,當我哋大家都問佢有冇事嗰陣,佢冇出聲,只係對咗我哋笑咗一笑,當時笑嘅時候,眼仲係又紅又腫,但就喺度扮冇事,其實當時我哋都會扮冇事。

    _

    佢呢個人,就係咁中意扮堅強。

    _

    「咁,要查呢件事,首先不如你話我知成件事嘅發展經過係點?」我話。

    _

    「其實一開始,我都唔太清楚,因為嗰時我form6,我啊媽唔想我為咗呢件事而讀書分心,始終我要考dse。」佢一度講,就越來越投入。

    _

    (回想到兩年前)

    _

    兩年前我啱啱畢業,仲考緊dse嗰陣,佢嘅病情,就越嚟越嚴重。

    _

    我好記得,有一日我如常咁放學,一返到屋企,我啊媽就話佢要帶啊公入醫院,跟住啊公就再冇出返嚟。

    _

    本來我都以為佢嘅病,只係普通嘅傷風感冒,好快就好返。

    我從來冇諗過原來係咁大件事,冇諗過佢係肺癌,因為我識啊公以嚟,至到我懂時,佢都唔吸煙,唔飲酒,成件事,好奇怪。

    _

    「咁,之後呢?係咪有人想害佢?」我問,同時我覺得呢件事,係有内情。

    _

    究竟發生咗啲咩事?


    09/29/2018 00:29

回覆帖子