徵友表格

(愛情靈異)我喺一個幫人軀鬼嘅麥麥送外賣仔 (更新至第21集)

22 678

#1 雨觴

入行(1)

其實好多人一直都不知道這件事,甚至這個部門,說起這件事,我都是由第一日返工先知道,然後就做到宜家。

本來只不過單純想撈份Part-time,點知入到去第一日。由嗰刻開始,我就知道麥記唔係一間快餐店,原來係一間,軀鬼專門店。

新仔,以後你就係呢度返工,記住出到去咩都唔可以講,呢個係本公司嘅高度秘密,而且係一個作為軀魔外賣仔嘅規則。我個上司話

乜呢度唔係快餐店呢咩,定係我入錯地方,正常應該就係整下包,去收銀咁!點解會變咗去軀鬼?我自己心裏面有個好大嘅疑問,同時覺得好驚。

呀師兄呀?唔好玩啦!呢度係麥記啊,玩咩捉鬼啊!我問返佢,成身都顫緊。我望著麥記嘅四周圍,感覺到有一陣風喺我身邊走過。我個人嚇一嚇。

然後,嗰個經理,將佢手上個啲帳單,一揮,成地都係啲麥記嘅單。無事啦!唔駛咁驚喎,呢啲你遲啲都會接觸。

講真,我本人好驚鬼,一見到鬼就會覺得好驚,首先係流汗,再驚啲我會暈低,就算係睇鬼片都唔得,事關我細個嗰陣嘅童年陰影。

就喺我四歲嗰年,食團年飯,返屋企嗰陣。

我喺撘車途中,你係邊個?有個黑影喺窗出面,當時我仲未望落去橋下面,我真係唔能夠想像,下面有人跳樓,我眼定定望住下面,血肉模糊,個人成個人凹咗落地面,但我竟然見到嗰個人喺我面前,望住我,我嗰陣時,見到佢之後,發咗燒成兩個禮拜。

估唔到一個見到鬼會死嘅人,

宜家竟然做咗軀魔師。

諗返起,當時入去嘅第一日,莫名其妙我笑了!我不能想像,宜家嘅我,已經唔再驚鬼魂。每次幫人軀鬼嘅時候,都要幫佢哋完成心願,而每次都好似睇完一本自傳咁,我都習慣咗,次次幫佢哋之後,就會寫低佢哋嘅故事,呢一個習慣,都唔知係咪一個怪癖。

估唔到一做就做咗咁耐。

我記得有一次特別深刻,係我見過嘅女鬼之中最靚嘅。佢好清純,成個文青咁,着住一身鬆身白色長裙,長長嘅秀髮。其他任務通常兩三日就查完,可以收工,但呢次就足足成兩個禮拜,因為我感情用事,鐘意咗佢。

今次比較特別,今次呢單,唔係人叫我哋幫佢,竟然係一隻…鬼。

你好呀!我叫李芷晴,我真係好驚,可唔可以幫我搵返屋企人,我而家無家可歸,隻女鬼話。我心諗,嘩!條女咁索,如果唔係佢死咗,我晨早就溝咗佢。

咁!你記唔記得你生前嘅記憶或者見過邊個?

我咩都唔知,一諗返起,個頭就超痛,但我總係離唔開呢區,九龍區!

咁你生前可能係住喺呢區,你宜家有冇地方住?

冇呀!日日都係街度行嚟行去。

其實我發現自己都係埋藏唔到自己心裏面嘅人性,我好想同佢一齊,好想了解佢多啲,甚至好想同佢扑嘢。

 

22 678 07/14/2018 21:43
07/14/2018 21:43

  1. #22 雨觴

    請簡要解釋為什麼你覺得應該要舉報這個回覆。

    報告
    取消


    09/30/2018 02:34
  2. #23 雨觴

    請簡要解釋為什麼你覺得應該要舉報這個回覆。

    報告
    取消

    角易親人離去之迷(2)(20)

    「咁?之後中間發生咗啲咩事?」我問。

    _

    「中間都好轉折,你記唔記得有一日個校工揾我,叫我即刻走?」佢諗咗一陣,然後笑一笑咁話。

    _

    「我緊係記得,嗰時早退好難嫁,所以我哋都特別羡慕嗰事嘅你。」我當然奉陪佢,笑一笑,又話。

    _

    「但係,我唔享受呀!」佢講嘢開始低沉,把聲開始沙沙地。

    _

    就係咁我哋靜咗好耐,其實好唔好意思,因為我好似又變咗話題終結者。

    _

    突然佢出咗聲,「其實,嗰日我啊公差啲就死。」

    _

    「er…..唔好意思呀突然提起你啲傷心事。」我好唔好意思咁話。

    _

    「唔緊要,何况你本來都唔知情,我唔可以怪你嘅。」佢話。

    _

    「咁….仲查唔查落去?」我問佢。

    _

    「查,開始咗就要繼續!」佢話。

    _

    「其實,嗰日我即刻趕過去,當全家都喺度,大家都覺得佢唔得,點嗌都唔醒,拍佢都唔醒,我喺人群裏面見到佢,我即刻跑到病床前面,我捉住佢隻手,手係凍到好似冰咁,當時大家都打定輸數,佢過唔到今日。」佢講講下,忽然鼻酸一酸。

    _

    深呼吸之後,又繼續。

    _

    我見佢咁傷心就問,「駛唔駛抖下先啊?」

    _

    「唔….駛….我….可..以講..落….去。」佢不停咁打思憶,但又堅持要講。

    _

    「之…..後,突..然之..間,我啊公,醒…返!」佢話。

    _

    「吓?神跡啊!」我好驚訝咁話。

    _

    「唔..知呢,不過佢入院之前,醫院就要我哋簽,唔急救嘅同意書,所以…..」佢講到一半。

    _

    我就好沖動咁話,「吓?咩醫院咁嫁,人都唔救,咩醫院嚟嫁。」

    _

    「係,某香港區嘅瑪X醫院。」佢話。

    _

    「唉!你啊公真係比班醫生玩死。」我好唏噓咁話。

    _

    「冇計啦!世界太荒謬。」佢話。

    _

    「所以,嗰刻我啊公,應該係復活。」佢又話。

    _

    「復活?呢個世界唔係打機,冇回血,冇治癒嘅法術,呢個係現實世界。」我好驚訝咁話。

    _

    「不過醒返之後,個人就迷迷糊糊,有時仲會用隻手指指向天花板,好似同緊人講嘢咁。」我話。

    _

    我嘅直覺覺得醫院有鬼。

    _

    「其實我之前都查過類此經歷,我估係鬼。」我扮曬專業咁話。

    _

    「鬼?」佢帶疑問嘅表情問。

    _

    「我想知,之後同佢同病房嘅病人有冇事?」我話。

    _

    「有,一個一個死。」佢靜靜地話我知。

    _

    「咁可能,並唔係有鬼搞事,而係鬼差辦工。」我話。

    _

    「我唔明啊!咩鬼差?咩辦工呀?」佢帶有疑問,同時皺一皺眉頭,頓起一個黑人問號樣話。

    _

    「你未聽過咩呢幾個字眼咩?啫係帶一啲時晨到嘅人,將佢哋嘅亡魂帶去天國或者地獄嘅人,係西式嘅牛頭馬面,不過佢哋着西裝,而且靚仔好多。」我扮哂尊業人士咁講解比佢聽,而佢亦好尊心咁聽我講呢種唔知喺咩世界嘅其中一樣職業。

    _

    「喔!原來係啲咁嘅嘢,不過諗返轉頭,我啊公好似真係遇過。」佢靈機一觸,然後話。

    _

    「遇過,真嘅?正常人遇到嘅機率好微嫁喎,你啊公有陰陽眼?」我問。

    _

    「冇,不過佢病嘅時候,洗咗禮信教。」佢摸一摸佢頸練上面嘅十字架話。

    _

    唔通,呢個就係,『神嘅旨意』。

     


    09/30/2018 02:35

回覆帖子