徵友表格

平安夜的天使 (完)

105 5469

#1 I’m you

呢個係一個失而復得嘅故事,試想下,當喺你心情最低落嘅時候,有天使在你面前出現,修補你心中的傷害。重新出發,未嘗係件壞事。

105 5469 07/27/2018 14:24
07/27/2018 14:24

  1. #102 I’m you

    請簡要解釋為什麼你覺得應該要舉報這個回覆。

    報告
    取消

    第九十六章

     

    「唉⋯你諗住幾時同曉桐姐講你醒呀⋯」

     

    食完早餐之後過多幾個鐘,佢準備走嘅時候,問咗我呢個問題⋯

     

    我:「我啱啱其實係唔想阻住佢瞓覺,而妳又突然出現,嚇到我即刻瞓返⋯」

     

    Mel:「哦你現加即係賴我啦下話,哼!?」

     

    我:「唔係唔係唔係⋯而係,我都未諗到點好⋯我驚佢嬲我做咩唔一早同佢講⋯」

     

    Mel:「咁你諗住點,等間同佢講?定係⋯」

     

    我:「呢樣一定會,但我仲未同佢say sorry⋯因為⋯」我同佢講返意外之前嗰日,阿Mel聽聽下都覺得好愕然⋯

     

    Mel:「哦⋯原來你先前激嬲咗曉桐姐~」

     

    我:「係喇係喇,係我衰喇⋯但係我就係為咗諗住徹底放低過去,同曉桐一齊,所以我先同佢講⋯仲諗住叫佢一齊去見Kelsey⋯」

     

    Mel:「咁又係嘅⋯咁⋯」

     

    「嘟嘟~」阿Mel部電話嘅震動聲打斷咗我哋嘅對話

     

    Mel:「喂?曉桐姐?做咩呀?」睇黎佢真係好在意我嘅狀況⋯有咩計好呢⋯

    「哦,嗯⋯無問題呀,好⋯嗯⋯88

     

    我:「曉桐搵妳做咩呀?」

     

    Mel:「無咩嘅⋯佢問我幾點走啫,想同我換返更⋯」佢今晚又黎呀⋯佢都已經有幾日無好好休息喇喎⋯呀!

     

    我:「阿妹,妳有無帶我屋企鎖匙喺身呀?」

     

    Mel:「有呀做咩?」

     

    我:「我想妳幫我攞樣嘢過黎!」

     

     

     

    「千萬句甜言蜜語,比不上一個真誠嘅承諾。」

     


    10/11/2018 12:17
  2. #103 I’m you

    請簡要解釋為什麼你覺得應該要舉報這個回覆。

    報告
    取消

    第九十七章

     

    「你諗住攞黎做咩呀?」

     

    「唔好理啦,我要好好咁補鑊呀⋯」

     

    Mel去咗一轉我屋企幫我攞咗個樣嘢之後,我原本仲諗住叫佢買埋花,但諗諗下花呢樣嘢,都係自己送返好啲⋯同埋由醫院到我屋企都要成個鐘,咁當然佢肯就當然係有著數,佢先肯做啦⋯

     

    Mel:「咁我走先喇,記得妳要請我食自助餐加拉麵同甜品喎~」

     

    我:「食食食,成日掛住食啫⋯小心肥死妳呀!」

     

    Mel:「呵呵,我走先喇,你自己執生啦~」

     

    過咗幾個鐘後⋯ 

     

    Lavina:「阿遊,我返黎喇~嗯?呢個係⋯」佢攞起阿Mel幫我攞嗰樣重要嘅樣我哋嘅合照,亦即係幅嗰班相⋯

    「阿Mel又係嘅⋯咁得閒上佢屋企攞嘢都有嘅⋯當年阿遊你小學做埋啲好浮誇嘅事,就係為咗有人注意你⋯之後就一直將人拒之門外,盡少同人接觸⋯但同時亦想人見到你,留意你、注意你⋯ 但你卻無留意到我都有嘅⋯不但我當年又係嘅,細膽,唔敢主動同你傾計,令我哋之間多咗個遺憾。而當我終於有機會識你,去愛你、去支持你、保護你⋯ 你竟然搶先一步保護咗我⋯我真係無用⋯」佢將個頭靠咗係我心口,眼淚流咗喺我件衫上面,我呢刻嘅心情都係一樣,覺得好對唔住曉桐,所以⋯

     

    我輕撫佢嘅頭,佢一面驚訝咁望住我,呢刻嘅佢係因喜悅、快樂而喊⋯佢一嘢唔理儀態咁攬住我⋯對唔住,我遲咗起身⋯

     

    「曉桐,好耐無見😄

     

    「阿遊!」

     

    「喂⋯我仲傷緊嘅⋯」

     

    「我唔理呀!想揼低人都有嘅⋯」

     

    「係喇係喇⋯我應承妳,我會同妳一齊行落去,好無?」

     

    「嗯!😊

     

     

     

     

     

    「你嘅笑容,唔會因歲月嘅流逝、時代嘅變遷而改變。你永遠都係我黑暗中嘅明燈、暴雨後嘅太陽。」

     


    10/12/2018 12:05
  3. #104 I’m you

    請簡要解釋為什麼你覺得應該要舉報這個回覆。

    報告
    取消

    第九十八章

     

    「肯定妳跟埋黎?」

     

    過咗半個月之後,我出咗院,住院費喺我父母幫我買嘅醫療保險到包返,加上嗰間啤酒公司肯賠償,所以算係有賺,但要攞條命黎換⋯不過我都係嗰下先知佢哋竟然有幫我買保險,當係佢哋一直身處於外地,疏於對我照顧嘅一啲補償喇⋯ 咁終於出完喇,Cafe嗰度就繼續忙呀忙,曉桐同我就繼續開心咁一齊⋯ 去到嗰日喇⋯

     

    Lavina:「咁我想陪一陪你吖嘛,同埋⋯我好想自己親身去見佢⋯」

     

    我:「咁好喇⋯」講到呢到,阿倫架車就已經黎到,話晒今日唔係公眾假期,都仲要開舖,所以唯有攞個上晝去一去,同埋阿倫有車,可以車晒我哋四個人⋯喺車上面,我哋四個有講有笑,講盡晒我哋以前同Kelsey嘅共同回憶,我由自己點識阿倫開始講起,再講到遇見Kelsey 每次講起,我都唔敢信,我竟然會遇到佢哋。如果無遇到佢哋,我諗⋯呢一切都唔會有可能發生⋯

     

    到咗墳場,我去買啲白玫瑰,話晒一場黎到,點都要買紮花俾佢嘅⋯Kelsey佢咩花都鐘意,但白玫瑰對佢黎講係最特別,佢話「白玫瑰嘅白色既可以代表種種嘅未知,又可以象徵純粹嘅美」⋯我諗都好符合佢嘅性格嘅⋯

     

    Kelsey媽:「黎咗啦⋯」俾錢嘅時候,啱啱好見到Auntie

     

    我:「Auntie妳好,妳都黎買花俾Kelsey呀?」

     

    Kelsey媽:「唔係,我⋯」

     

    「阿遊~」曉桐喺不遠處行過黎叫我

     

    我:「做咩過黎嘅?」

     

    Lavina:「無~我諗住⋯」講到呢到,曉桐先啱啱注意企係我面前嘅Auntie

    Auntie妳好⋯」而Auntie見到佢,又再次雙眼淚眼汪汪,令我有啲心酸⋯

     

    Kelsey媽:「Hello周小姐⋯」我見到佢有嘢想講,正當佢想出聲嗰陣,嗰句說話好似卡住咗喺喉嚨裡面咁,點都講唔出。佢最後都係無講出黎⋯

    「唔講先,我走先喇。兩位保重。」佢講完就急急腳離開,睇黎Auntie個心仲係有啲顧忌⋯

     

    Lavina:「Auntie咁快走嘅⋯咁我哋行得未呀?」

     

    我:「喔,行咯。」

     

    Lavina:「嗯!😊

     

     

     

     

    「一切終成過去,我雖然會繼續掛住你,但我亦都會繼續行落去,寫落人生嘅每一頁。」


    10/14/2018 12:38
  4. #105 I’m you

    請簡要解釋為什麼你覺得應該要舉報這個回覆。

    報告
    取消

    第九十九章

     

    「原來喺呢到⋯」

     

    買完花之後,我哋四個行咗一段大約有四層高嘅樓梯,終於行到Kelsey嘅墓碑面前⋯ 上面有佢三年前影身分證嗰張相,我會記得因為我有同佢一齊去換。喺相上嘅笑容,嗰種純美,已經好難再喺難個世上出現⋯

     

    A Perfect Daughter

    A Good Friend

            And

    A Wonderful Fiancée 

     

    望住墓碑上面嘅呢幾句說話,又再諗返起佢每次對我講嘅嘢,每次用小粉拳打我嘅神態,每次扮嬲個嘟嘴樣⋯ 過去嘅回憶一幕幕咁喺我腦海入面重演⋯

     

    「點呀,好姐妹?」Priscilla一邊攞水同紙巾去抹個碑,一邊同相中嘅Kelsey傾計

    「嗰邊點呀?開唔開心呀?」雖然我哋個個都知,Kelsey唔會聽到。但最少,算係做一種心靈上嘅安慰⋯

    「黎,同妳介紹⋯」講到呢到,佢忍唔住索咗個鼻幾下,睇黎佢都忍咗好耐⋯話晒係姐妹,邊有可能話放低就放低⋯

    「佢係新黎嘅同事兼新姐妹,Lavina。佢好似妳,我第一次見佢,我有一刻以為見到妳⋯ 放心啦,姐妹,我會⋯好好咁照顧自己,好好咁⋯」講到呢到佢終於忍唔住,開始喊起黎⋯阿倫慢慢咁扶佢落樓下⋯ 

     

    現加剩返我哋兩個⋯ 曉桐突然主動行上前塊碑講:「Hi,我係妳新姐妹,我叫周曉桐⋯ 好多謝妳,幫我好好咁睇住阿遊咁耐⋯我當初返黎香港嘅時候,知道咗阿遊準備結婚,一開始我好妒忌妳,因為妳得到咗阿遊嘅愛。但經歷咗咁耐,我覺得妳好叻。妳係一個專情、純真嘅女仔。現加我覺得,如果當年妳嫁咗俾阿遊,我都會心服口服⋯」

     

    講到呢到,我都終於釋懷⋯腦海中嘅唔再係傷痛,心中唔再隱隱作痛;反而好似放低咗心頭大石咁釋懷⋯我終於可以從傷痛中走出來,重新出發⋯

     

    Lavina:「你唔同Kelsey講兩句?」

     

    我:「唔喇,有咩一早講晒⋯」

     

    Lavina:「嗯?」

     

    我:「落去咯,去睇下Priscilla點先⋯」

     

    Lavina:「喂,等埋呀~」

     

     

    「阿遊⋯」

     

    「嗯?」

     

    「我愛你😊

     

    「我都愛妳😄

     

     

     

     

     

    「傷夠了,是時候,重新開始。」


    10/15/2018 12:08
  5. #106 I’m you

    請簡要解釋為什麼你覺得應該要舉報這個回覆。

    報告
    取消

    第一百章

     

    「兩杯Latte,三杯Mocha order!

     

    「好,一共⋯」

     

    一切塵埃落定之後,我嘅生活又再次回到忙碌嘅日常。不過唔同嘅係,我哋每個人都開始咗人生嘅新一頁。阿倫同Priscilla打算大約下年結婚,阿輝同Jody就一早幸福美滿,個仔青靚白淨。三丁友淨返我一個,不過⋯我諗我都差唔多要結喇⋯

     

    88~」去到六點幾,最後一個客走咗之後,成間Cafe除咗我哋就空無一人。今晚係平安夜,大部分家庭或情侶都去晒啲高級餐廳或酒店食自助餐,所以無咩客。同埋今日係⋯

     

    Lavina:「咦?阿遊呢?同埋做咩提早閂門嘅?」

     

    倫:「哦~咁今日呢⋯就平安夜啦~所以~」

     

    「叮叮~」「曉桐姐~」

     

    Lavina:「阿Mel?」

     

    Mel:「我黎開P㗎~」

     

    Lavina:「吓?」

     

    「啪!」室內嘅燈光完全熄滅,我哋喺黑暗中點起一枝又一枝嘅爉燭⋯

    Happy birthday to you~ Happy birthday to you~ Happy birthday to Lavina~ Happy birthday to you~

     

    我慢慢咁將我偷偷地整嘅蛋糕放喺曉桐面前。個蛋糕成三層高,面層鋪滿咗果漿同各種水果同朱古力。喺鵝黃色嘅燭光下,我見到佢嘅雙眼閃動住晶亮嘅眼淚,面上泛起嘅笑容充滿住感動。

     

    Lavina:「你⋯你整㗎?」

     

    我:「嗱,我整得好辛苦㗎⋯妳唔好一嘢食⋯」話口未完,佢就已經衝咗上前攞起支叉開始狼吞虎嚥⋯

    「晒⋯」我見住佢滿嘴忌廉同果漿,我已經覺得好心滿意足。

     

    Lavina:「放心啦,我哋會留返啲俾你嘅喇~黎,各位,開餐~」

     

    眾人:「好!!」

     

    倫:「今晚開盡佢~聽日唔洗返~」

     

    Priscilla:「發夢啦!」講完就一嘢打落阿倫個頭到

     

    眾人:「哈哈~」

     

    過咗一陣之後

     

    「叮叮~」係阿輝佢哋一家

     

    輝一邊指住我個頭,一邊用眼神來暗示喺另一邊嘅曉桐:「喂~阿遊,恭喜晒喎,中咗頭奬~」

     

    我:「你咁算咩意思先🙄

     

    輝:「哈哈~」

     

    另一邊廂,Jody、阿MelPriscilla同曉桐喺第邊繼續大聲討論有關個BB嘅嘢⋯

     

    BB叫咩名呀?」

     

    BB好得意呀!」

     

    「生仔係咪好痛㗎⋯」唉⋯睇黎下個受難,呀唔係!係有幸可以組織家庭嘅會係阿倫~你話我?我有排啦~

     

    阿倫黎我耳邊同我講:「喂死仔遊,帶下人哋去睇燈飾啦,人哋應該好耐無睇㗎喇~」

     

    我:「好喎~」

    「曉桐,我哋不如出去行一陣先,去睇下燈飾咁~」

     

    Lavina:「好喔😮Lets go~😝」我哋都去咗攞我哋喺上年著外套,我就著返見黑色外套,而佢就著返白色毛衫⋯好有當年第一次見到佢嘅感覺⋯

     

    之後我哋一邊行到海港城到睇燈飾,嗰到嘅燈飾光芒四射,有著住鮮紅色衫聖誕老人,亦有淺褐色嘅馴鹿,各色各樣嘅聖誕燈飾都聚集晒喺呢到⋯

     

    「個聖誕老人好似你咁肥呀!」

     

    「妳個鼻好似隻馴鹿一樣咁紅喎~」

     

    「喂呀!」

     

    「哈哈~」

     

    最後我哋行到天星碼頭,一切嘅開始⋯

     

    我:「估唔到我會以咁嘅形式見返妳⋯」

     

    Lavina:「我都覺得好神奇,估唔到咁都遇得返你⋯」

     

    我:「話時話,妳當年點解會攞住枝香檳嘅?我一直都好好奇⋯」

     

    Lavina:「嗯⋯ 捉到我話你知😜」講完就即刻跑開

     

    我:「喂!唔好走呀!」

     

    Lavina:「嘻嘻,拜拜你條尾~」

     

    我:「啊~妳個衰婆呀~」過咗個幾月,對腳都叫適應返跑步,所以兩嘢就捉到佢⋯ 我用雙手攬住佢,全神貫注咁望住佢,呢一刻嘅世界,就好似得返我哋兩個咁⋯

    「我唔會再俾妳走㗎喇,妳係我㗎。」

     

    Lavina:「我都未⋯」我一嘢錫落去佢個嘴到,我之前一直都無鼓起勇氣咁做⋯現加嘅我,終於可以好好咁去愛一個人⋯

    「不如⋯返去咯?」

     

    「吾~」佢個肚亦都隨即發出肚餓嘅訊號

     

    我:「仲食唔飽咩?」

     

    Lavina:「咁鬼叫你個蛋糕咁好食咩~我唔理呀~你一個禮拜整一次俾我食呀!」

     

    我:「吓⋯要整好耐㗎喎⋯」

     

    Lavina:「頂多我睇住你整,再幫你食埋佢喇~😝

     

    我:「唉真係呀⋯」

     

    講完佢便向前行,呢刻我望到佢嘅背影,卻再無諗起Kelsey或者Angel,而係一個會好鐘意發小朋友脾氣嘅小衰婆,一個純白色嘅天使⋯我嘅嘴角不知不覺間向上翹起一個幸福嘅弧度,呢刻嘅我⋯終於搵返自己嘅快樂⋯

     

    我個名叫何永遊⋯

     

    「阿遊,做咩仲企喺到呀?」

     

    「無呀,行咯~」

     

    我係一個⋯

     

    「我要你孭~😊

     

    找回生命中最愛嘅人⋯

     

    「好呀!😄

     

     

     

     

    「我哋每個人都經歷過迷惘嘅時候,但上天總會為你預備一個帶你走過傷痛絕望嘅天使。然後,我哋自己都要成為救贖其他人嘅天使。因為,天使亦都只係一個曾經受過傷,但係勇敢面對,企返起身嘅人。」

     

     

    平安夜的天使,完?

     


    10/16/2018 14:24

回覆帖子