《純愛走甜》平安夜的天使 (更新至第二十六章)

31 601

#1 I’m you

呢個係一個失而復得嘅故事,試想下,當在你心情最低落嘅時候,有天使在你面前出現,修補你心中的傷害。重新出發,未嘗係件壞事。

31 601 2018-07-27 14:24
2018-07-27 14:24

  1. #22 I’m you

    請簡要解釋為什麼你覺得應該要舉報這個回覆。

    報告
    取消

    第十六章

    「嗄,妳講咩話曉桐?」落咗摩天輪之後,Lavina喺後面突然講咗話鐘意我,我一時唔知點反應好,只好扮聽唔到⋯

     

    Lavina:「冇⋯冇⋯冇嘢呀!啊!差唔多夠鐘啦!」身邊嘅路人都望住對啲維多利亞港既高樓大廈,樓面上嘅數字,我好懷念當時同Kelsey一次倒數嘅時光

     

    「十」

     

    「阿遊呀⋯」

     

    「九」

     

    「做咩呀?」

     

    「八」

     

    「好多謝你,俾我有機會識到你⋯」

     

    「七」

     

    「我都係,比我遇到個天使⋯」

     

    「六」

     

    「嗯⋯嗯~」

     

    「五」

     

    「不如我等間送妳返去呀⋯⋯」

     

    「四」

     

    「唔洗啦,我諗住坐多陣⋯」

     

    「三」

     

    「我陪妳呀⋯⋯」

     

    「二」

     

    「唔洗啦,我自己一個得啦⋯」

     

    「一」

     

    「新年快樂⋯」「新年快樂!」

     

    我擰向佢嗰邊嘅時候,見到佢雙眼通紅,面上嘅淚痕表露咗心中嘅傷感⋯

     

    我:「做⋯做⋯做咩呀?係咪我講錯嘢呀?」我有啲手足無措,對於佢突然間喊我完全反應唔黎⋯

     

    Lavina:「無⋯無嘢⋯」佢不斷抹佢塊面

    「我走先啦!後日見啦⋯」之後佢就飛奔咁喺我面前消失咗⋯ 今次見到嘅背影唔係Kelsey,而係一個一邊孭住書包一邊喊嘅小學生⋯ 有種熟悉嘅陌生感⋯

     

    我走之後,諗緊佢啱啱喊嘅原因同堂妹所講嘅嘢

    係咪因為我無認出佢?

    唔通係兩年前嗰個女仔?唔係喎,佢俾我嘅感覺係我哋唔止見過一次⋯

    係咪因為我無聽到?

    唔通係我當年無搵返佢?佢係外國喎,想搵都搵唔到啦⋯

    媽我好亂呀!

     

     

     

    「如果我哋多年後再見,我希望妳可以好好咁珍惜妳嘅伴侶,因為嗰個⋯已經唔係我」

     


    2018-08-10 13:32
  2. #23 I’m you

    請簡要解釋為什麼你覺得應該要舉報這個回覆。

    報告
    取消

    第十七章

    返到去屋企之後,我好快咁沖入去沖個涼,之後就去上咗床瞓,但我一直瞓唔到,一直喺床上滾黎滾去,完全失眠⋯ 我起返身,喺書枱到見當年小學時嘅班相,亦都係同佢嘅「合照」⋯

     

    「唔知佢現加點呢⋯」

     

    =================================

     

    當年小二小學雞嘅我,啱啱由大陸返黎香港讀咗書一年,由於自己同其他同學喺文化、思想上嘅差異,所以無咩朋友⋯ 我平常都係最後一個離開班房嘅,因為我唔想見到佢哋一班友喺我面前扮fd⋯

     

    嗰日我如常最後先執書包,全班得我同另一個女仔,但佢一直都撲咗喺張枱到。正當我起身準備向門口出發嘅時候,聽到兩聲「嗯⋯嗯」嘅喊聲,我馬上停低。因為我未試過有女仔喊嘅情況出現,如果有老師經過,誤會係我對佢做左啲乜先整到佢喊 嘅話⋯我就玩完啦…同埋個女仔比我嘅感覺係佢好需要人嘅安慰⋯

     

    所以我走咗過去⋯

     

    我:「妳冇嘢吖嘛?洗唔洗帶妳去見miss呀?」佢無理到我,繼續係到喊

    「妳冇事吖嘛?」佢緊係有事先喊㗎啦!你黎搞笑呀?

    我係一個好唔識安慰同表達自己嘅人黎嘅⋯所以就喺佢隔離一直等,一等就差唔多接近成個鐘⋯

    所以只好攞定包紙巾出黎俾佢抹眼淚,一攞出黎嗰下抓唔實,搞到包紙巾係兩隻手中飛黎飛去⋯

    ?「哈哈~😆」佢坐返正個人,佢無再喊,佢嘅笑容好靚,就如雨天後嘅太陽般嘅閃耀⋯ 呢次係我第一次安慰人,亦都係我第一次有人因為我而笑⋯

     

    我:「妳笑得好可愛呀~」小學雞唔識講大話⋯

     

    ?「多⋯多謝⋯」

    「係呢,點解你未走嘅?」

     

    我:「喔~咁見到一個女仔喺到喊吖嘛,如果我走咪好缺德?」

     

    ?「哈哈~」

     

    我:「我叫Marcus,妳呢?」

     

    ?:「My name is Angel😊」之後佢話俾我知佢喊嘅原因,好似係關於屋企人有關⋯

     

    嗰次傾計之後並沒有拉近我同佢嘅距離,佢有嘅女仔朋友,我就繼續一個人⋯ 不過時不時都會諗起,時間過得越耐,諗起佢嘅次數就越多⋯

     

    之後兩年都無同佢同班,直到小五同小六。再次同佢同班,我心諗:「我要同佢做朋友,朋友就夠了⋯」

     

     

    「兩個人最遠嘅距離,就係佢哋各自放對方喺心中嘅位置」

     


    2018-08-11 12:18
  3. #24 I’m you

    請簡要解釋為什麼你覺得應該要舉報這個回覆。

    報告
    取消

    第十八章

    「咁你諗住點呀?」

     

    「我⋯見步行步啦⋯」

     

    我哋雖然同班兩年,但都係無咩進展⋯頂多都只係做下Hi bye friend。睇黎佢已經唔記得咗我,嗰時嘅佢比小二既時候更多fd,帶埋副眼鏡⋯而我係小三嘅時候都識到幾個fd,到現加都仲有聯絡⋯升中派位嘅時候,我無心向學,所以求其排咗間band3中學讀就算。

     

    嗰年小學最後一次做body check,等攞測試報告嘅時候,竟然俾我遇到佢,佢仲主動坐埋黎問我⋯

     

    Angel:「好耐無見⋯」

     

    我:「好耐無見⋯」我哋dead air咗半分鐘

     

    Angel:「係呢,你成績點呀?」佢主動開話題

     

    我:「band3囉,哼!預咗㗎啦⋯」

     

    Angel:「咁你諗住點呀?」

     

    我:「見步行步啦⋯」

     

    「妳呢?」我反問返佢

     

    Angel:「我如常,但⋯」佢眼淚開始流⋯

     

    「做⋯做咩⋯」我好愕然,佢無啦啦又喊,唔通係我講錯嘢?

     

    「你加油呀!」之後佢就孭起書包,向門口嘅方向跑咗出去,我叫都叫唔切⋯

     

    嗰次係我最後一次見到佢,因為佢,我選擇咗同我阿爸申請入以前讀間band1男校。係中學嗰7年,我都有拍過幾次拖(有其他途經識女仔架,唔係搞gay🙅🏻‍♂️),但比我嘅感覺都無當年見到那燦爛嘅笑容⋯

     

    有一年嘅小學聚會,我滿懷期待嘅諗住可以見返佢,點知⋯

     

    「係呢,四眼妹呢?」我問某個同佢以前好fd嘅女同學,四眼妹係我哋以前叫佢嘅名,一黎係方便,二黎係我其實唔知佢中文名叫咩,只知佢叫Angel…

     

    「Angel呀,佢去咗外國喎⋯你唔知咩?」我終於明點解佢當年會喊,係因為佢要去外國⋯

     

    「哦⋯咁呀⋯唔該妳⋯」當時我想像唔到,嗰次係我最後一次見到佢,我好後悔當時無同傾耐啲,無問佢嘅中文名⋯ 我只好祝福佢遇到一個愛佢嘅男人吧⋯

     

    =================================

     

    「唔知佢現加有無諗起過我呢⋯⋯」

     

    一諗返佢就諗到4、5點⋯

     

    「唉算!瞓覺!」

     

    臨瞓前,我聽咗首歌,係陳奕迅嘅⋯《粵語殘片》

     

    怎努力都想不起初戀怎會改變

    情侶數字我屈指一算大概知

    奇怪卻是每戀一次

    震撼總逐漸變得越淺

    令人動心只得那次

     

    有沒捱壞了身子

    會為哪位披嫁衣

    你有否掛念當天這醜小子

     

    今天看那段歷史 像褪色午夜殘片

    笑話情節 此刻變窩心故事

    現時大了 那種心跳難重演

    極燦爛時光一去難再遇上一次

     

    在混亂雜物當中找到失去的往事

    但現在雜物與我舉家將會搬遷

    讓記念成歷史

     

    想想那舊時日子 像褪色午夜殘片

    任何情節 今天多一種意義

    現時大了 那種心跳難重演

    極爆裂場面想再遇確實靠天意

     

     

    「有啲嘢過咗去,就真係返唔到轉頭。我哋可以做嘅,就只可以靠緣份黎為你作主」

     


    2018-08-12 16:33
  4. #25 I’m you

    請簡要解釋為什麼你覺得應該要舉報這個回覆。

    報告
    取消

    第十九章

    「好想放假呀!」

     

    「作死你咩?你唔驚你老婆小你呀?」

     

    過咗年之後,我哋就照常返工,但啲學生哥就照常返學,打工仔就照舊無薪加班⋯ 搞到係5、6點之前都係無生意⋯

     

    倫:「啲碗、碟都抹到曉自動發電啦⋯」

     

    Priscilla:「咁你係咪想返屋企呀?🙂」老闆娘嘅標準動作,笑裏藏「棍」⋯

     

    倫:「當然唔係啦!好嘢!又可以開始新一天嘅工作~」

     

    我:「抵你死~」

     

    倫:「喂咁係吖嘛⋯⋯你睇下!現加3點幾4點啦!蚊都唔見隻呀!唔餓死都悶死啦!」

     

    Priscilla:「咁又係⋯不如老公你同Marcus出去買啲整蛋糕嘅材料先囉,我同Lavina係到啲得啦。」

     

    倫:「哦!收到!阿遊生,我哋出一出去先!」

     

    ••••••••••••••••••••••••••••••••••••••••••••••••

     

    現加阿遊同阿倫出咗去,而Lavina同Priscilla留守喺鋪頭,呢兩公婆由Lavina黎見工開始就想撮合佢同阿遊埋一齊,加上佢哋行得越黎越埋,所以借機了解下進展如何⋯

     

    倫/Priscilla:「喂!你哋進度呀?」

     

    遊/Lavina:「你講咩呀?」「係⋯係!?」

    阿遊仲未知咩事,而Lavina睇黎已經知道了⋯

     

    倫:「你同Lavina囉!你對佢有無feel啫~」

     

    遊:「係有嘅⋯但係⋯」睇黎佢心裹面仲諗緊Kelsey 

     

    Priscilla:「喂!由妳第一日黎cafe,就知妳係為咗Marcus㗎啦!妳唔係連師姐都呃先?」

     

    Lavina:「係,你冇估錯!」佢認咗,但⋯

    「但我知道阿遊心中未可以有其他人⋯」

     

    Priscilla:「你係指Kelsey?」

     

    Lavina:「嗯⋯」佢講曬由24號到年尾嘅經歷講曬比Priscilla知⋯

     

    Priscilla:「嘩⋯佢咁都聽唔到呀!」

     

    係另一邊,阿遊亦都講咗俾阿倫知

     

    倫:「嘩!佢主動同妳告白!?」

     

    遊:「嗯⋯同當年Kelsey一樣⋯」

     

    倫:「咁你點答佢呀?」

     

    遊:「我扮聽唔到⋯」佢心裏面仲有Kelsey,同埋佢唔想再失去一個佢心愛嘅人,一個天使⋯

     

     

     

     

    「有一種愛,就係永遠成為對方嘅朋友」

     


    2018-08-12 16:34
  5. #26 I’m you

    請簡要解釋為什麼你覺得應該要舉報這個回覆。

    報告
    取消

    第二十章

    倫:「乜你咁撚婆媽㗎!既然你哋都互相鐘意對方,then just fucking go for it!」佢聽到之後好激動,就係因為佢熟悉我份人諗咩:覺得自己並唔值得更好⋯

     

    我:「大佬呀!唔係我唔想愛呀⋯⋯」

     

    倫:「咁你驚咩呀!?」

     

    遊:「我驚失去佢呀!」Angel,Kelsey⋯ 呢兩個喺我生命最重要嘅女人都一一離我而去,我已經唔想咗失去咗啦所重視嘅人啦!而加嘅我⋯就只想見到Lavina有個幸福嘅生活。雖然相識時間唔長,但我好清楚Lavina佢係一個好需要愛嘅女仔⋯

     

    我哋兩個dead air咗一陣,

     

    「你真係唔後悔?」阿倫先打破沉默

     

    我:「我唔知,但我希望我唔會⋯」

     

    倫:「咁好啦⋯買埋嘢返去啦⋯⋯」

     

    遊:「嗯⋯」

     

    同阿倫噪完之後,我一直都諗一個問題:我仲有無資格去愛一個人呀?

    我人生中兩個好重要嘅女人我都無好好咁珍惜、保護⋯⋯我⋯仲有愛嘅資格咩?

     

    我臨入去嗰刻,抬頭望住我哋起嘅店名,「Dream Memory」⋯

     

    「我值得有個如夢般美好回憶咩?」

     

    =================================

     

    「將來…如果我某日突然死咗,你會唔會好似歌詞咁愛我一生直到老死呀?」

     

    「我會彈著蕭邦的夜曲,等妳返黎我嘅身邊。」

     

    「如果係真嘅話,我唔想你等我⋯ 我明白嘅⋯ be happy, just forget me…」

     

    =================================

     

    「我可以忘記妳咩?」

     

     

     

     

     

    「人通常都係從失敗中學習,當過多嘅失敗卻令佢哋消失學習嘅意志」

     


    2018-08-12 16:36
  6. #27 I’m you

    請簡要解釋為什麼你覺得應該要舉報這個回覆。

    報告
    取消

    第二十一章

    「老闆~你聽日得唔得閒呀?」

     

    「做咩呀?」

     

    同阿倫噪完後幾個月,我同曉桐嘅關係同之前一樣友達以上 戀人未滿,但我都冇再進一步嘅行動:「朋友,朋友就夠了⋯」

     

    Lavina:「無,橫掂聽日放假,學校啲嘢又做曬,所以咪搵你陪我出街囉~」

     

    我:「妳啲fd呢?做咩唔搵佢哋呀?」

     

    Lavina:「咩喎!現加我就係想你陪我係咪唔得先?030」佢嘟起嘴個嘢可愛⋯

     

    我:「得~咁幾⋯」

     

    Lavina:「聽日10點,喺九龍塘地鐵站等~」洗唔洗咁興奮呀,嘢都未講完就一句boom埋黎,驚死我會say no咩⋯

    「係呀~吹咩~」呢條友肯定識讀心

     

    「都話唔識咯030」屌妳阿媽個女呀⋯

     

    —————————————————————

     

    到第二日。話曬現加香港有幾熱冇人唔知呀,3月就熱到好似係微波爐入面行咁⋯ 如果唔係為咗佢,我真係留喺屋企瞓覺好過⋯

     

     

    我:「唉⋯女人嘅天性,必先遲個半個至一個鐘⋯」

     

    ?:「邊個話㗎?帶我去識下佢~」

     

    我:「嘩屌!嚇死人咩!」Lavina係我耳邊一句講埋黎,嚇到我真係呢⋯

     

    Lavina:「唔好諗衰嘢呀~」頂妳真係⋯

     

    我:「妳讀夠心未呢?阿周小姐🤨」

     

    Lavina:「都話唔識咯!係你太好估啫😏」

     

    我:「妳⋯」算!你贏!

     

    Lavina:「當然!😎」

     

    我:「🤦🏻‍♂️」

     

    Lavina:「行啦!仲講!」

     

    我:「係~」

     

     

     

    「有啲嘢,你唔係一定要得到先會開心」

     


    2018-08-13 12:59
  7. #28 I’m you

    請簡要解釋為什麼你覺得應該要舉報這個回覆。

    報告
    取消

    第二十二章

    「喂!去邊㗎今日?」

     

    「唔話你知~」

     

    「懶神秘😒」

     

    我哋上咗地鐵之後,佢咩都無講⋯ 人就喺到左搖右擺,唔知搞乜鬼嘢⋯ 呀係!差啲唔記得講,佢今日著白短T陪短牛,而我就一般灰T加牛仔褲,無計,我個人本身就唔鐘意著短褲⋯

     

    「下一站,荃灣,next station’s Tuen Wan」

     

    我:「入去荃灣做咩呀?」

     

    Lavina:「等間話妳知~」超~

    「係咁㗎啦~」

    上到去車站上面,出咗站之後

     

    Lavina:「行咯~」我哋行向綠楊中心嗰度,入到去之後,見到啲可有可無嘅鋪頭,基本上都無咩客仔入去,而Lavina走過時亦都草草略過⋯

     

    上到三樓,佢問我

     

    Lavina:「你想麥記?」佢指住左邊遠遠嘅M字燈牌⋯

    「定去你想食其他?話曬約人唔係一定要M記嘅~」

     

    我:「行囉~睇妳有咩花樣~」睇佢個樣都唔會係啲咩特別嘢🤥

    行到上去,原來係Euro Go Go,當年Kelsey同我行街嘅時候,一見到euro就馬上入去叫嘢食,話曬又算平同埋叫做幾好食下嘅⋯

     

    Lavina:「入去咯~」

    佢叫咗個白汁意加百事,係Kelsey嘅最愛⋯

    「你食咩呀?」

     

    我:「一樣呀⋯⋯」我同Kelsey嘅味覺好相似,基本上就係佢食乜,我就食乜⋯

     

    =================================

     

    Kelsey:「嗯~好好食啊~」一面幸福樣出哂黎

     

    我:「做咩啫妳?未食過意粉咩?」

     

    Kelsey:「你試下啦~」佢比碟意粉我試

     

    我:「又真係唔錯喎~」估唔到呢個傻妹都會識食

     

    Kelsey:「洗乜講~我咁聰明伶俐~」

     

    我:「關咩事🤥」

     

    Kelsey:「我話關就關啦030」

     

    我:「係~小公主最聰明~小公主最醒目~」

     

    Kelsey:「哼!算你啦~」

     

    =================================

     

    Lavina:「做咩?啲嘢唔啱食?」我哋坐低之後,佢見我發哂佝瞀⋯

     

    我:「當⋯⋯當然唔係啦!係我諗起點嘢啫⋯⋯」

     

    Lavina:「諗起Kelsey?」

     

    我:「嗯⋯」

    「佢以前最愛食就係呢間嘅白汁意⋯」

     

    Lavina:「哦~佢啲tastes同我咁似嘅哈哈~」

    「咁佢仲鐘意食啲咩㗎?」

     

    我:「基本上可以填得飽個肚嘅佢都食🤔」

     

    Lavina:「咁又真係幾稀有喎~呢種女仔~」

    「難怪連你呢種男仔都會有人受啦~」

     

    我:「你講咩話?聽日唔洗返工?好呀!」

     

    Lavina:「對唔住老細~我錯了~」

     

    我開始分唔清,我見到嘅係曉桐定Kelsey⋯

     

     

     

    「我哋好想將一些得唔到嘅事物投放其他人身上,明知故犯」

     


    2018-08-13 13:03
  8. #29 I’m you

    請簡要解釋為什麼你覺得應該要舉報這個回覆。

    報告
    取消

    第二十三章

     

    「hi!好耐無見!」

     

    「hi…hi! 好耐無見⋯」

     

    食完個晏之後,一出到個餐廳門口就有條友無啦啦同Lavina打招呼

     

    ?:「你唔係住九龍㗎咩?做咩會黎荃灣嘅?」睇黎係Lavina之前爆響口時所講嘅兵喇~佢對住條仔嗰種嘅神態,難受過飲苦茶⋯

     

    Lavina:「無…無呀!我同人黎行下街啫~」之後佢帶住有一種「大佬救我」嘅眼神望住我,我最頂唔順就係女人喊㗎⋯於是我就⋯

     

    我:「Hi你好!我係曉桐嘅男!朋!友!」我無意識咁講咗「男朋友」呢三個字,不過算啦⋯幫到佢就得啦⋯

     

    ?:「係⋯係呀⋯」條友一聽到嗰三個字之後意志全消,成個人好似無哂靈魂咁⋯

     

    Lavina:「係⋯係呀!咁你呢?」睇黎佢都估唔到我會咁講,所以面都紅曬。

     

    ?:「無⋯無呀!我返去先啦,下次再傾啦!」Lavina叫都叫唔切佢就跑走咗⋯睇黎佢已經放棄進攻了,咁我都好落台啲⋯

     

    Lavina:「估到你會咁夠薑喎~我原本諗住話堂哥或表哥之類嘅⋯」衝動害事🤦‍♂️

    「不過,咁樣我返學都舒服好多~唔洗咗比班兵跟尾,好似我係佢哋個主人咁,周身唔聚財呀!」無計,妳個樣話哂清靚白正,又成個Kelsey mk2咁,係仔都想食妳啦⋯

    「都話我唔⋯」大穫!諗錯嘢!

    「係⋯係呢~唔知得陣去邊好呢~」好在啫⋯

     

    我:「咁現加行得未呀?女朋友?」我半開玩笑咁同佢講,但其實我真心好想妳做我咁女朋友,但⋯我仲未清楚我愛嘅係妳定係喺我眼裡所見到嘅Kelsey…

     

    佢聽到之後好開心,笑得比以前更加靚⋯

    Lavina:「好啦~本小姐就比你呢個小平民做我一日嘅男朋友啦~」

     

    我:「點都係我俾妳做條女啦吓話😒」

    「加上妳識做人女朋友咩?妳好似A0黎㗎喎~」

     

    Lavina:「你估我想㗎咩030啲男人都無個好似你咁⋯」我無聽錯吖嘛!?好似我咁?佢以前識得我?點解佢會話無個男人似我呀?吓?我以前識得佢嘅?佢睇落唔係亂講嘢喎⋯

    「喔⋯我啱啱一時口快講錯咗!我係話:「啲男人無嗰好似個人咁!」明未?」呢句好假⋯

    「我話係就係啦!」Fine🤷🏻‍♂️妳贏

     

     

    「咁我哋行得未呀?女朋友🙂」我伸手

     

    「哼⋯算你啦!」

     

    「去邊呀?公主👸」

     

    「比我諗下先⋯呀!就去嗰到啦!」

     

    「咁妳帶路㗎啦喎~行咯?」

     

    「嗯😊」

     

     

    佢嘅笑容,好甜⋯

     

     

     

    「我哋人生中遇到好多傷害過我哋心嘅人,甚至因為佢而哭、傷害自己。咁係因為你已經準備好對無條件嘅付出⋯而佢,卻已經背棄你⋯」

     


    2018-08-14 14:26
  9. #30 I’m you

    請簡要解釋為什麼你覺得應該要舉報這個回覆。

    報告
    取消

    第二十四章

    「睇下!嗰隻蟹好似你呀!打橫黎嘅~」

     

    「喂!隻豬都幾似妳呀~個鼻仲一樣㗎喎~」

     

    我哋出咗綠楊中心之後,走咗一段小路,行嘅途中我都以為佢都行下商場就算啦,點知⋯

     

    我:「喂!妳好似今年先24咋喎,搞咩入黎街市黎啲咁老太婆先黎嘅地方㗎⋯」

     

    Lavina:「咩喎!唔比人哋喺呢到有回憶嘅~」咁又唔係⋯好!就睇妳有咩花樣~

     

    我:「好囉⋯咁⋯妳帶路啦~」

     

    Lavina:「當然係我啦~唔通係你呢條⋯」

     

    我:「喂?咩話~唔識返cafe?咁聽日唔洗返啦~」我扮聽電話咁同佢講

     

    Lavina:「當然唔係啦~老闆最勁勁~老細最好嘅~」

     

    我:「咪亂擦鞋呀~傻婆~」我輕輕咁彈咗佢額頭一下

     

    Lavina:「好痛呀!嗯⋯衰人衰人衰人⋯」佢開始不斷小粉拳咁打我背脊,佢打嘅時候十足十啲貓咪輕抓我嘅feel~我一於少理⋯

     

    我:「咁之後去邊呀?小姐姐⋯」我擰轉頭問佢

     

    Lavina:「唔去呀!」睇黎佢真係嬲啦~

    「除非你⋯」

     

    我:「妳想點先?我唔賣身㗎~」

     

    佢行到我耳邊,之後講:「我要你孭我!」佢講完之後面紅到似上次關公look有得比⋯

     

    我:「妳哋啲女人係咪一見到啲仔高就想騎㗎呢?請問?」以前Kelsey係到嘅時候我都會咁孭佢,好在佢唔重,同時我又可以借機玩下佢,感受佢嘅溫暖⋯

     

    Lavina:「乜Kelsey都有咁要求過咩?」睇黎佢無讀到我心了~

     

    我:「好常㗎~但佢就輕而又識做,而妳就⋯」佢嗰一米六嘅身高,我開始為我條腰擔心啦,希望聽日仲返到工啦⋯

     

    Lavina:「喂呀!人哋都唔重⋯」好無說服力喎⋯「你聽日返唔到工嘅話⋯我聽日都唔返㗎啦~」嘩!咁樣迫老細返工都有嘅⋯好在佢唔係老闆之一啫⋯如果唔係蝕到渣都無呀⋯

    「唔會囉!講到錢我好慳家嘅~」又比佢讀到⋯

     

    我:「但⋯可以出到去先孭好嗎?話曬我哋仲啖街市入面⋯」無錯呀各位!我哋一直都係街市傾計,旁人經過時嘅眼光係好似見到對痴情情侶咁⋯

    「咁可以嗎?小姐⋯」

     

    Lavina:「得⋯得嘅!嗱~你唔準走數嘅⋯一走就打死你030」

     

    我扮好驚咁講:「好驚呀~」

    「行啦!仲講🤥」

     

    出到去之後⋯

     

    我踎低身,面向住佢講:

    「我比兩秒鐘時間妳,上到就上啦⋯」點知

     

    「Let’s go~」真係比佢上到⋯

     

    「幾點到方向呀小姐⋯」我扮好唔耐煩咁同佢講

     

    Lavina:「比我諗下先⋯」

     

    我:「仲諗!我條腰就斷啦!」我唔想變斷背山呀!

     

    Lavina:「你慳啲啦~人哋斷都未到你啦⋯」寸到呢⋯

     

    我:「到時我斷咗,妳冇得唔要我呀!」

     

    Lavina:「唔制喎~」

     

    我:「咁妳落黎~」我準備放手拋佢落地

     

    Lavina:「唔好唔好!好好好!我要我要!」

     

    我:「你話㗎~」我心裏面莫名嘅一點甜⋯

    「諗到未呀小姐?我唔保證我下一秒會對妳做咩㗎~」

     

    Lavina:「一早諗好啦~十一點鐘方向!Let’s go~」

     

     

     

     

    「相愛係要懂得四互:互相尊重,互相交換,互相扶持同互相犧牲⋯但人們就識得係人哋身上獲取啲嘢,卻唔識得去交換⋯」

     


    2018-08-14 17:20
  10. #31 I’m you

    請簡要解釋為什麼你覺得應該要舉報這個回覆。

    報告
    取消

    第二十五章

    「去啦小遊!go!」

     

    「再講我就拋妳落地!」

     

    行出咗街市之後,Lavina就俾我呢個老細孭到去荃灣廣場,好攰⋯

     

    我:「阿曉桐姐呀⋯妳肯落黎未呢?我條腰真係唔洗要㗎喇⋯唔該妳落一落先⋯」呢個傻婆由我開始行嗰刻開始就不停喺我背脊到喐黎喐去,攰到我就黎不醒人事⋯

     

    Lavina:「不如我哋睇戲囉~反正齋行對你黎講有真係悶咗啲嘅⋯」嘩咩事⋯ 突然黎個性格大轉變,搞到我唔知比咩反應妳好⋯

    「你都知我好呢~」頂,完全無變!今日我唔拋佢我就唔姓何!

    「你咪呀!我拉埋你一齊落㗎!」頂⋯ 

     

    我:「咁妳想睇邊套呀?周小姐⋯」

     

    Lavina:「不如就『後來的我們』啦! 聽聞好多人喺最後爆喊喎⋯ 不如⋯」

     

    我:「知妳想點啦喊包!妳落黎先,我去買飛⋯」我放低咗佢之後,走去櫃臺前有飛⋯

    「唔該兩張『後來的我們』飛⋯」

     

    職員:「請問要幾點?」

     

    我:「5點半嘅,唔該。」

     

    職員:「先生,我哋現加有個情侶優惠喎,只要同一位女士一同喺廣場範圍內影一張相便可有7折優惠加包嘢飲同爆谷㗎~唔知先生你⋯」聽落又真係幾吸引、加上我同Lavina又真係做緊一日情侶⋯ 死就死啦!

     

    我:「好,唔該!就兩個情侶位啦⋯」

     

    我攞咗飛之後⋯ 行到Lavina到同佢講

     

    我:「買咗啦,5點半嘅,但⋯」我真係唔知點開口好,驚佢覺得我好cheap咁⋯ 話說我緊張啲咩呢?因為佢係Lavina?唉!唔知呀!見步行步啦⋯

     

    Lavina:「唔該曬~ 咦?點解係情侶飛黎嘅?」

     

    我:「嗯⋯」我諗緊對佢講真話定求其比個藉口算⋯不過,對得佢,我講唔出大話,所以⋯

    「無呀,我見個優惠有7折同包飲包食,所以⋯」

     

    「包食!? Well done Marcus! You did well!」睇黎佢一聽到食就咩都制嘅⋯

    「但要我哋做咩先?話說呢啲嘢都應該要等價交換㗎啦~」又俾佢估到喎~

     

    我:「要我哋喺廣場範圍內影一張相咁囉⋯」

     

    Lavina:「咁呀⋯ 唔該!」佢叫住一個陌生路人

    「可唔可以幫我哋影一張相?」

     

    ?:「無問題?想點影?」乜現加重有啲咁得閒嘅人㗎?喺現加嘅香港社會黎講都叫罕有啦⋯

     

    Lavina:「咁⋯喺個戲院名下面影啦。」我哋行到個「荃灣百老滙戲院」門牌下面

    「拖住我⋯」佢同我講

     

    我:「嘩~妳想點呀妳?」

     

    Lavina:「唉⋯拖住手,咁咪可以更明顯咁話比人知我哋係情侶囉⋯⋯ 你唔好亂諗嘢呀⋯」

     

    我:「好好好,妳叻啦~」

     

    Lavina:「當然😎我咁冰雪聰明~」

     

    我:「係啦係啦~」

     

    ?:「黎~望住~三⋯二⋯一!」咔嚓~

     

     

     

     

     

     

    「遇到珍惜你、明白你嘅人,就應該好好珍惜,而唔係用完即棄」

     


    2018-08-15 13:32
  11. #32 I’m you

    請簡要解釋為什麼你覺得應該要舉報這個回覆。

    報告
    取消

    第二十六章

    「喂!妳咁搞算咩意思先?」

     

    「鬼叫你成日苦瓜面咁咩~ 」

     

    影緊住相嘅時候,佢用左手撐住我塊面⋯

     

    我:「邊有人影相會咁俾人撐住塊面影相㗎!?好樣衰呀!救命🤦‍♂️」

     

    Lavina:「睇過睇過~哈哈哈!」佢開始一邊行一邊笑

    「好正呀!你呢個咁嘅柒樣,我永生難忘!你以後就咁去影相啦!入場啦~」

     

    我:「妳個衰婆呀⋯⋯俾條友睇完就好del呀啦吓!如果唔係後果自負!」

     

    Lavina:「😜我睬你都傻呀!send埋俾Priscilla姐先~」佢幾時要Priscilla電話㗎⋯今次GG了~

     

    Priscilla:「哈哈!」佢whatsapp到咁覆Lavina

    「曉桐姐~妳都幾大膽喎~咁樣搞我哋嘅老闆都有嘅,不過我都係,唔洗驚!我照妳~」呢個Priscilla真係⋯⋯要癲起黎同阿倫真係半斤八両⋯睇黎我之後喺鋪頭嘅地位會同阿倫一樣⋯

     

    Lavina:「你放心!我係唔會濫用職權嘅~攞個電話number當識個姐妹啫~」聽住先啦⋯

    「你咪唔好信囉030」又黎呢招⋯

     

    我:「好好好…我信我信⋯」唉⋯睇黎有排受⋯

     

    入到場之後

     

    佢坐喺我隔離,呢次係幾年黎繼Kelsey之後第二個人同我一齊睇戲,之前我哋一直忙緊cafe嘅事,所以收工之後都係喺屋企一齊上網睇⋯

     

    我:「好耐無喺戲院睇戲啦~」

     

    Lavina:「乜你無同Kelsey一齊黎睇戲㗎咩?」

     

    我:「啱啱識嘅時候好常,但開咗cafe之後忙到死咁制,邊有時間黎睇戲呀⋯」

     

    Lavina:「咁呀⋯ 唔講啦,開波啦!」

     

    我:「嗯⋯」

     

    套戲其實我都無咩點睇到,話曬愛情片真嘅唔係我杯茶,好悶⋯ 但Lavina睇到喊,睇黎佢都睇得好深情⋯

     

    出咗戲院之後

     

    Lavina:「我好餓呀~食咩好呀~」

     

    我:「妳好似啱食曬成個爆谷同埋嘢飲,仲餓!?」

     

    Lavina:「咁女仔有兩個胃㗎嘛~喂呀~咁食咩啫~」

     

    我:「咁買個M記囉~ 打包一邊行一邊食囉~」

     

    Lavina:「我要食板雞包~ 」

     

    我:「知啦~咁等間去邊呀?」

     

    Lavina:「去碼頭,想睇下夜景~」

     

    我:「碼頭都有夜景?呢到荃灣嚟㗎喎小姐⋯」

     

    Lavina:「我話有就有啦030」

     

    我:「係係係⋯ 我去買啦⋯妳喺到等住先啦⋯」

     

    Lavina:「嗯~」

     

     

     

     

    「人生嘅經歷,就係一套電影,視乎你想點樣寫個劇本」

     


    2018-08-15 13:33

回覆帖子