徵友表格

《純愛走甜》平安夜的天使 (更新至第七十七章)

82 2621

#1 I’m you

呢個係一個失而復得嘅故事,試想下,當喺你心情最低落嘅時候,有天使在你面前出現,修補你心中的傷害。重新出發,未嘗係件壞事。

82 2621 07/27/2018 14:24
07/27/2018 14:24

  1. #82 I’m you

    請簡要解釋為什麼你覺得應該要舉報這個回覆。

    報告
    取消

    第七十六章(曉桐章十)

     

    「吓!?妳真係想我返去?」

     

    「係呀,阿女⋯」

     

    過咗嗰晚之後,我取消咗當日嘅機票,我留喺媽媽嘅身邊,雖然佢有講啲難聽嘅說話俾我聽,但我好明白,因為佢失去咗佢一生嘅最愛,佢嘅伴侶、老公⋯

     

    有日佢無啦啦俾咗一張返香港嘅機票同埋一份填好咗嘅HKU入學申請表⋯

     

    我:「媽媽,呢份係?」

     

    媽:「阿女,對唔住呀⋯一直以黎要妳咁辛苦⋯當年我哋自私咁拉咗妳過黎呢邊,無諗過對妳嘅影響,我諗妳一定好唔開心⋯我現加好想補償返俾妳⋯」

     

    我:「傻啦媽媽⋯但點解得一張嘅?妳唔跟埋我一齊返香港呀?」

     

    媽:「我對香港已經無留戀,同埋⋯點都要有人陪住你爸爸⋯我攰喇⋯我現加只係想妳好好咁生活落去⋯妳現加已經22歲,我唔想妳因為我無埋個青春。與其理我呢個老嘢,倒不如快啲俾我抱孫好過啦~」

     

    我:「媽呀!」

     

    媽:「哈哈~唔急㗎~得閒帶男朋友返黎搵我就得喇~」媽媽真係⋯不過,我哋真係好耐無咁笑過喇⋯爸爸,你放心啦⋯我會好好咁照顧自己,你安心喺上面休息啦⋯

     

    —————————————————————

    =================================

     

    Lavina:「聽到呢到⋯你⋯」我乜都無講,我只用行動去表達我嘅感受⋯我攬實佢,我好清楚呢刻嘅佢係一個好需要人呵護,心中埋住無數刀刃、滿身傷痕嘅少女⋯

     

    我:「唔好再講啦⋯呢刻嘅妳現加俾我讀咗心喇⋯妳都忍咗好耐㗎喇⋯我黎俾妳依靠啦…」

     

    Lavina:「你⋯你⋯嗯⋯」佢將個頭靠到我心口,雖然好細聲⋯但我都隱約聽到佢嘅哭泣聲⋯我抬頭望一望個天,今次⋯有粒閃耀嘅星喺月亮旁邊,一齊散發出溫暖嘅淡白色光茫,就好似而家呢一刻,周圍空無一人,就得我同曉桐兩個人,默默咁互相照料、呵護對方⋯彼此治癒對方嘅傷口,用溫柔嘅光,照亮我哋冰封已久嘅心窩。

     

     

     

    「其實,一個真誠嘅擁抱,就可以治癒心裡面無辦法宣之於口嘅痛苦。」

     


    09/21/2018 12:51
  2. #83 I’m you

    請簡要解釋為什麼你覺得應該要舉報這個回覆。

    報告
    取消

    第七十七章

     

    「喊完就返屋企好好咁瞓一覺啦~」

     

    「我冇喊呀😝

     

    抱咗佢一陣之後,就沿路行到巴士站,啱啱好有架巴士,我件衫已經俾佢喊到濕哂,周身唔聚財⋯但佢開心返哂,就好似當年嘅Angel咁,見到暴雨後嘅陽光⋯

     

    落車之後,我就即刻送佢返屋企。然後跑返屋企沖涼同煮杯麵食,啱啱由於曉晴嘅心情影響下,我都無咩心情食嘢,所以食得唔係好飽。同埋攬咗曉桐半個鐘⋯啲食完嘅能量流失得好快⋯不過一切都值得嘅~

     

    「吾吾~」電話嘅震動聲打斷我享受那美味嘅宵夜,原來係曉桐sendmessage俾我

     

    Lavina:「瞓咗未?」吓⋯咁夜仲唔瞓,聽日返小學㗎喎⋯佢頂唔頂得順㗎?

     

    我:「未呀做咩?」

     

    Lavina:「無呀~我想~」

     

    「叮咚~」出面突然傳黎門鐘嘅

     

    「咁夜仲有人㩒都有嘅?」喺開咗門嗰一瞬間

     

    Lavina:「好眼瞓呀~」著住粉藍色短T加短褲嘅曉桐就好休閒咁入咗黎我間屋⋯佢攞住部電話,除左對鞋之後就大搖大擺咁行咗入我間房,上咗我張床瞓咗喺到⋯我一時之間個腦輕機⋯之後我行入房,對住喺床上瞓緊嘅「周小姐」講⋯

     

    我:「阿小姐,我哋呢到唔係酒店黎㗎,請妳落床並同我好好解釋一下妳上黎做咩唔該~」我開始以酒店服務員嘅聲線同佢講嘢,但係⋯

     

    Lavina:「我喺屋企瞓唔著吖嘛⋯所以想講咪想過黎你呢邊瞓囉~」

     

    我:「唉⋯咁我出廳瞓⋯」嗰陣都成11點幾,佢咁夜都仲敢過黎,我都唔好意思趕佢走。同埋我沖咗涼,我唔想再出街,送佢返去⋯我個人都好攰,由佢今晚喺到算⋯

     

    Lavina:「唔洗呀,我⋯」佢用手拉住我嘅衫袖

     

    我:「嗯?做咩呀?」點解搞到佢係主人咁嘅?唉⋯注定俾女人蝦⋯

     

    Lavina:「你瞓我隔離咪得囉~」吓⋯雖然係瞓過一次啫⋯不過係妳自己入錯房,上錯床⋯同埋當時我無意識,唔算係呀⋯但今次⋯

    「係咪唔得呀?」佢用帶啲失落嘅聲線去講呢句說話,基於佢今日已經喊一次,我已經充分知道佢喊嘅威力係幾大,所以我就⋯

     

    我:「Goodnight…」乖乖地瞓咗喺床嘅另一邊⋯咁唯有等到佢瞓咗先行返出廳啦⋯

     

    Lavina:「Goodnight阿遊~」

     

    過咗半個鐘之後,喺後面傳黎一股淡淡清香嘅洗頭水嘅香味。我慢慢咁擰轉身一睇。原來係佢無意中靠咗埋黎我呢邊⋯ 我望住佢瞓得咁冧嘅樣,個人都漸漸放鬆咗落黎。我仲諗返起以前每次睇住Kelsey熟睡時個樣,同曉桐現加個樣一樣,都係咁純真可愛⋯見到呢一刻,我輕輕咁錫一下佢嘅額頭。我慢慢咁起返身,行出廳。靜坐係梳化上面,一直喺到諗我係咪時候⋯俾佢入黎我嘅世界?

     

     

     

     

    「一生人最幸福嘅係,睡前醒後身邊仲有你嘅存在。」


    09/22/2018 12:35

回覆帖子